رەسەي بولشەكتەنە مە؟

استانا. قازاقپارات - ءبىر قىزىعى رەسەيدىڭ الداعى ۋاقىتتا بولشەكتەنۋى جايىندا ءجيى ايتىلاتىن بولدى. ءبىر كەزدە مۇنداي اسىرە داۋدى قوزداتاتىن جەكەمەنشىك باسىلىمدار ەمەس، رەسەيدىڭ مەملەكەتتىك تەلە-راديو ارنالارى بولعان.

راس، سوڭعى ءبىر عاسىردا رەسەيدىڭ بولشەكتەنىپ ونداعان ۇساق مەملەكەتكە اينالىپ كەتۋى جايىندا ساۋەگەيلىك ايتقاندار كوپ.

ولار قاتارداعى قاراپايىم جۇمىسشى ەمەس، اتى ەلگە ماشهۇر تۇلعالار. ماسەلەن، اتاقتى اكادەميك ساحاروۆتىڭ ءوزى رەسەيدى ءتورت بولىككە ءبولۋدى، ال ك س ر و-نى ۇساق-ۇساق 50 مەمەلەكەتتە بولشەكتەۋدى ۇسىنعانى بەلگىلى.

ساحاروۆتىڭ سول كەزدەگى ايتقاندارى ول تۇستا قۇپيا بولعانىمەن قازىر جارىققا شىعا باستادى. قازىردە سول ساحاروۆتىڭ جولىن قۋىپ، رەسەيدى بولشەكتەپ، شىعىسىن جاپون مەن قىتايعا بەرۋگە قۇمارلار كوپ.

ماسەلەن 90-جىلدارى رەسەيدىڭ سىرتقى ىستەر ءمينيسترى بولىپ كوزىرەۆ بولىپ تۇرعان تۇستا وڭتۇستىك كۋريل ارالدارىن جاپون ەلىنە بەرۋ تۋرالى ماسەلە قوزعالىپ، دايىندىق جۇرگىزىلگەن ەكەن.

سونداي-اق ساحالين جونىندە دە تارتىس بولعان كورىنەدى.

مىسالى، 2013-جىلى «The New Times» جۋرنالىنىڭ باس رەداكتورى «ەحو موسكۆا» راديوسىنا سۇحبات بەرە وتىرىپ، «بۇكىل قيىر شىعىستى جانە ورال تاۋلارىنا دەيىنگى ايماقتى باسقا ەلدەرگە بەرە سالۋعا بولادى. ول وڭىردەن بىزگە كەلىپ-كەتەر پايدا شامالى. ءتۇبى سوعان كەلە جاتىرمىز» دەگەن سياقتى اڭگىمە قوزعادى.

بۇل بۇل ما، جازۋشى ميحايل ۆەللەر «راديو روسسيا» ارناسىنان: «كالينينگراد وبلىسى باياعىدان-اق رەسەيدىكى ەمەس ەدى. وزىنشە ءومىر ءسۇرىپ جاتقان ايماق. ول جەرگە ءبىزدىڭ ەش قاتىسىمىز جوق. سول سەكىلدى وڭتۇستىك كۋريل ارالى. ول ارال رەسەيلىكتەردىڭ باس اۋرۋىنا اينالدى. تۇككە قاجەتى جوق، بىزگە» دەيدى. جالپى، رەسەيدىڭ الداعى ۋاقىتتا بىرنەشە مەملەكەتتىك ءبولىنىپ كەتۋى جونىندە باتىس ساراپشىلارى تالاي بولجامدار ايتقان بولاتىن.

ءتىپتى رەسەيدىڭ وزىندە 90-جىلداردىڭ ورتاسىندا ءسىبىر مەملەكەتى جونىندە اڭگىمە كوتەرىلگەنى بەلگىلى. قىسقاسى، الداعى ون-جيىرما جىلدا رەسەيدى نە كۇتىپ تۇر؟ بىزگە بەلگىسىز. ال ساراپشىلار مەن ساۋەگەيلەردىڭ ايتقاندارىنا قۇلاق سالار بولساق، رەسەيدى جاقسىلىق كۇتىپ تۇرماعان سەكىلدى.

بەرىك بەيسەن ۇلى، «ايقىن». 2013