رەسپۋبليكا كۇنىنە وراي الماتىلىقتارعا پرەزيدەنت اتىنان مەملەكەتتىك ناگرادالار تاپسىرىلدى
قازاقستان پرەزيدەنتى قاسىم-جومارت توقايەۆتىڭ اتىنان الماتى قالاسىنىڭ اكىمى ەربولات دوسايەۆ 75 تۇرعىنعا مەملەكەتتىك ناگرادالاردى تاپسىردى، دەپ حابارلايدى Kazinform.
ماراپاتتالعاندار تىزىمىنە ەلدىڭ الەۋمەتتىك-ەكونوميكالىق جانە مادەني دامۋىنا ەلەۋلى ۇلەس قوسقان الماتىلىقتار ەنگەن.
ونىڭ ىشىندە دەنساۋلىق ساقتاۋ، ءبىلىم بەرۋ، مادەنيەت، بيزنەس، كولىك سالالارىنىڭ وكىلدەرى، ەڭبەك ارداگەرلەرى، سونداي-اق قوعام جانە ساياسي قايراتكەرلەر بار.
مەملەكەت باسشىسىنىڭ جارلىعىمەن 1- دارەجەلى «بارىس» وردەنىمەن «ق. ي. ساتبايەۆ اتىنداعى گەولوگيا عىلىمدارى ينستيتۋتى» ج ش س ديرەكتورى گەروي جولتايەۆ ماراپاتتالدى.
قازاقستاننىڭ ەڭبەك سىڭىرگەن قايراتكەرى قۇرمەتتى اتاعى كومپوزيتور ەلميرا دەحگانيگە مادەنيەتتىڭ دامۋىنا قوسقان ۇلەسى ءۇشىن بەرىلدى.
2- دارەجەلى «ەڭبەك داڭقى» وردەنىمەن «الماتى ەلەكتروترانس» ج ش س اۆتوبۋس جۇرگىزۋشىسى اكىمجان جۇمابايەۆ ماراپاتتالدى.
سونداي-اق، قالا اكىمى مەملەكەت باسشىسىنىڭ اتىنان الماتىلىقتارعا «پاراسات»، «قۇرمەت»، 3 دارەجەلى «ەڭبەك داڭقى» وردەندەرىن، سونداي-اق «ەرەن ەڭبەگى ءۇشىن» جانە «شاپاعات» مەدالدارىن تاپسىردى.
قازاقستان رەسپۋبليكاسىنىڭ قۇرمەت گراموتاسىمەن «الماتى سۋ» م ك ك سلەسارى داۋلەت ءابدىراحمانوۆ، «الماتى تازالىق» مكك مامانداندىرىلعان تەحنيكا جۇرگىزۋشىسى اقىنقوجا امىرەيەۆ، «سامعاۋ گرۋپپ» ج ش س ۋچاسكە باستىعى قۋاندىق ەرەپبايەۆ، «اسفالتوبەتون 1» ج ش س اعا مەحانيگى كاميلجان پالتايەۆ، «ولجاس ltd» ج ش س اۆتوبۋس جۇرگىزۋشىسى مۇحامەدجان سادىقوۆ، «الاتاۋ جارىق كومپانياسى» ا ق ا ە ج-6 باستىعىنىڭ ورىنباسارى الماس سامات ۇلى، «بەلسەندى ۇزاق ءومىر ورتالىعى» ك م م ءبي بويىنشا پەداگوگ-ۇيىمداستىرۋشىسى عاليا توقتاربايەۆا، «ج ي ت س- تىڭ الدىن الۋ جانە وعان قارسى كۇرەس ورتالىعى» ك م ك ديرەكتورى مارات تۇكەيەۆ، «ميدەس ستروي» ج ش س تەحنيكالىق ديرەكتورى ۆيكتور شالىجين جانە «RBS دوستروي» ج ش س ينجەنەرى رومان شيەۆەليەۆ ماراپاتتالدى.
ءىس-شاراعا قازاقستان حالقى اسسامبلەياسىنىڭ، قالانىڭ قوعامدىق كەڭەسىنىڭ، جاستار ۇيىمدارىنىڭ وكىلدەرى، مادەنيەت قايراتكەرلەرى، جوو رەكتورلارى، ءماسليحات دەپۋتاتتارى جانە ت. ب. قاتىستى.
سالتاناتتى ماراپاتتاۋ ءراسىمى اباي اتىنداعى قازاق ۇلتتىق وپەرا جانە بالەت تەاترىنىڭ عيماراتىندا ءوتتى.
