پرەمەر-مينيستر ءۇش قالانىڭ جىلۋ بەرۋ ماسەلەسىن جەدەل شەشۋدى تاپسىردى
استانا. KAZINFORM - ۇكىمەت وتىرىسىندا پرەمەر-مينيستر ولجاس بەكتەنوۆ ءۇش قالانىڭ جىلۋ بەرۋ ماسەلەسىن جەدەل شەشۋگە تاپسىرما بەردى.
- ءبىرقاتار وڭىردە جوندەۋ جۇمىستارى تولىق اياقتالعان جوق. اتالعان ءوڭىر اكىمدەرى جىلۋ بەرۋ ماسەلەسىن تىكەلەي باقىلاۋعا السىن. سەمەي، ستەپنوگور جانە پەتروپاۆل قالالارىندا جىلۋ جۇيەسىن ىسكە قوسۋعا باسا نازار اۋدارۋ قاجەت. جىلۋ بەرۋ ماۋسىمى بويىنشا باقىلاۋ مەن ۇيلەستىرۋ نۇرلىبەك نالىبايەۆتا (پرەمەر-ءمينيستردىڭ ءبىرىنشى ورىنباسارى)، - دەدى ۇكىمەت باسشىسى.
ەسكە سالا كەتسەك، جىلۋ بەرۋ ماۋسىمىنا دايىندىق بارىسى 16-قىركۇيەكتە پرەمەر-مينيستر ولجاس بەكتەنوۆتىڭ توراعالىعىمەن وتكەن كەڭەستە قارالعان بولاتىن.
14-قىركۇيەكتە پاۆلوداردا جىلىتۋ ماۋسىمى باستالدى.
