پرەمەر-مينيستر: تاسقىن كەزەڭىنىڭ باستالۋىنا كوپ قالعان جوق

استانا. KAZINFORM - پرەمەر-مينيستر ولجاس بەكتەنوۆ ۇكىمەت وتىرىسىندا مەملەكەتتىك ورگاندارعا تاسقىنعا دايىندىقتى كۇشەيتۋدى تاپسىردى.

- سۋ تاسقىنى كەزەڭىنىڭ باستالۋىنا دا كوپ ۋاقىت قالعان جوق. اكىمدەر بۇل ماسەلەنى ەرەكشە باقىلاۋعا الۋى قاجەت. توتەنشە جاعداي تۋرالى حالىقتى حاباردار ەتەتىن بارلىق جۇيەلەردىڭ تۇراقتى جۇمىسىن قامتاماسىز ەتىڭىزدەر، - دەدى ول.

ۇكىمەت باسشىسى الەۋمەتتىك جەلىلەر مەن ب ا ق- تا ءتۇسىندىرۋ جۇمىستارىن كۇشەيتۋ ماڭىزدى ەكەنىنە دە توقتالدى.

- توتەنشە جاعدايلار مينيسترلىگى سۋ تاسقىنىنا تولىعىمەن دايىن بولۋعا ءتيىس. سونداي- اق، ورتالىق جانە جەرگىلىكتى مەملەكەتتىك ورگانداردىڭ جۇمىسىن ۇيىمداستىرسىن، - دەدى ولجاس بەكتەنوۆ.

وسىعان دەيىن سۋ تاسقىنىنىڭ سالدارىن جويۋ ءۇشىن 10000 عا جۋىق اسكەري قىزمەتشى جۇمىلدىرىلۋى مۇمكىن ەكەنى ايتىلدى.

سونىمەن قاتار، توتەنشە جاعدايلار ءمينيسترى سۋ تاسقىنىنا دايىندىقتى جەدەل اياقتاۋدى تاپسىرعانىن جازعان ەدىك.