پرەمەر-مينيستر قاراعاندى وبلىسىنداعى ءبىرقاتار وندىرىستىك كاسىپورىندى ارالادى
قاراعاندى. KAZINFORM -قازاقستان پرەمەر- ءمينيسترى ولجاس بەكتەنوۆ قاراعاندى وبلىسىنا جۇمىس ساپارىمەن بارىپ، ءبىرقاتار نەگىزگى وندىرىستىك كاسىپورىندى ارالادى، سونداي- اق ونەركاسىپ سەكتورىنىڭ وزەكتى ماسەلەلەرىمەن تانىستى. بۇل تۋرالى ق ر پرەمەر- ءمينيسترىنىڭ باسپا ءسوز قىزمەتى حابارلادى.
«سارىارقا» ارنايى ەكونوميكالىق ايماعىن ارالاۋ بارىسىندا ولجاس بەكتەنوۆ «Steel Manufacturing» پاترون زاۋىتىنىڭ جۇمىسىمەن تانىستى.
قازاقستاندىق پاترون زاۋىتى - قورعانىس- ونەركاسىپ كەشەنىندەگى جوعارى تەحنولوگيالىق بىردەن-ءبىر كاسىپورىن.
مۇندا قاۋىپسىزدىك ماسەلەسىنە جانە ءوندىرىستى اۆتوماتتاندىرۋعا باسىمدىق بەرىلگەن، وندىرىستىك پروتسەستىڭ بارلىعى ادامنىڭ قاتىسۋىنسىز، اۆتوماتتى تۇردە جۇزەگە اسىرىلادى.
پرەمەر- مينيستر زاۋىت وندىرىستىك قۋاتىن تولىعىمەن پايدالانىپ جۇمىس ىستەۋى كەرەك ەكەنىن، سول سەبەپتى ونى سالالىق ۆەدومستۆولاردىڭ جوسپارعا ساي تاپسىرىستارىمەن جۇكتەۋ قاجەتتىگىن اتاپ ءوتتى.
سونداي- اق ولجاس بەكتەنوۆ «قاراعاندى -بالقاش -الماتى» اۆتوجولىن رەكونسترۋكسيالاۋ بارىسى تۋرالى باياندامالاردى تىڭدادى. بۇگىنگى تاڭدا جاڭا اسفالت بويىنشا جول قوزعالىسى قامتاماسىز ەتىلگەن، اينالما جولدار تەك جول وتپەلەرى سالىنىپ جاتقان ۋچاسكەلەردە عانا قالىپ وتىر.
ۇكىمەت باسشىسى بارلىق جۇمىستى جىل سوڭىنا دەيىن اياقتاۋ قاجەتتىگىن اتاپ ءوتتى.
ودان كەيىن ولجاس بەكتەنوۆ Qarmet مەتاللۋرگيالىق كومبيناتىنىڭ وندىرىستىك سەحتارىنا باردى.
ق ر پرەزيدەنتى قاسىم-جومارت توقايەۆتىڭ تاپسىرماسى بويىنشا مەملەكەت ونى ءارى قاراي دامىتۋعا قاجەتتى قولداۋ كورسەتۋدە.
مۇندا پرەمەر- مينيستر مەتاللۋرگتەرمەن اڭگىمەلەستى، ونىڭ بارىسىندا كاسىبي ماماندىق مارتەبەسىن ارتتىرۋ، جالاقىنى ۇلعايتۋ، جاس مامانداردى دايارلاۋ ءۇشىن جاڭا وقۋ ورىندارىن قۇرۋ، سونداي- اق باسقا دا ءبىرقاتار ماسەلە كوتەرىلدى.
ۇكىمەت باسشىسى كوتەرىلگەن ماسەلەلەردىڭ بارلىعى جانە Qarmet ءتىڭ الداعى جۇمىسى مەملەكەتتىڭ باقىلاۋىندا بولاتىنىنا سەندىردى.
«جاڭا ينۆەستور ءوندىرىستى جاڭعىرتۋعا جانە قاۋىپسىزدىك دەڭگەيىن ارتتىرۋعا اۋقىمدى ينۆەستيتسيالار سالۋ بويىنشا مىندەتتەمەلەر قابىلدادى. بۇل بوس ءسوز ەمەس، مۇنىڭ ءبارى قاعازعا قاتتالعان جانە مەملەكەتتىڭ باقىلاۋىندا بولادى. پرەزيدەنت بارلىق ءتيىستى تاپسىرمانى بەردى. كومبيناتتىڭ تىنىسى كەڭەيىپ، جاڭا ومىرگە جول اشاتىنىنا سەنىمدىمىز. بۇل - وتاندىق ونەركاسىپتىڭ ماقتانىشى. ءبىز ءوز تاراپىمىزدان باقىلاپ، جان- جاقتى قولداۋ كورسەتەتىن بولامىز»، - دەدى ولجاس بەكتەنوۆ.
سونىمەن قاتار پرەمەر- مينيستر سالالىق ۆەدومستۆولار باسشىلارىنىڭ، جاڭا ينۆەستوردىڭ، اكىمدىك وكىلدەرىنىڭ جانە كاسىپورىن قىزمەتكەرلەرىنىڭ قاتىسۋىمەن Qarmet ءتىڭ وزەكتى ماسەلەلەرىن شەشۋ جانە ودان ءارى دامىتۋ جونىندە كەڭەس وتكىزدى.
Saran يندۋستريالىق ايماعىن ارالاۋ كەزىندە ۇكىمەت باسشىسى 2021 -جىلى ىسكە قوسىلعان اۆتوبۋس شىعاراتىن «Qaztehna» زاۋىتىنىڭ جۇمىسىمەن تانىستى.
بۇگىنگى تاڭدا كاسىپورىندا شاعىن توراپتى قۇراستىرۋ، دانەكەرلەۋ جانە بوياۋ تسەحتارى جۇمىس ىستەيدى. 2023 -جىلى مۇندا 1700 گە جۋىق اۆتوبۋس شىعارىلدى. زاۋىتتىڭ ءونىمى قازاقستاننىڭ ىشكى نارىعىنا، سونداي-اق ەاەو ەلدەرىنە جىبەرىلەدى.
سودان كەيىن ولجاس بەكتەنوۆ اۆتوموبيل شينالارىن شىعاراتىن «KamaTyresKZ» كاسىپورنىنا باردى.
جوباعا 214 ميلليارد تەڭگەدەن استام ينۆەستيتسيا سالىندى. جوبالىق قۋاتى جىلىنا 3,5 ميلليون جەڭىل، جەڭىل جۇك جانە جۇك شيناسىن قۇرايدى. قازىرگى ۋاقىتتا مۇندا جابدىقتاردى مونتاجداۋ جانە ىسكە قوسۋ، رەتكە كەلتىرۋ جۇمىستارى ءجۇرىپ جاتىر.
