ەرلان قارين ورتالىق مەملەكەتتىك ارحيۆتىڭ قىزمەتىمەن تانىستى

استانا. KAZINFORM - مەملەكەتتىك كەڭەسشى الماتى قالاسىنا جۇمىس ساپارى اياسىندا ورتالىق مەملەكەتتىك ارحيۆىندە بولدى.

ەرلان قارين ۇكىمەتتىڭ «ارحيۆ-2025» جوباسىن ىسكە اسىرۋ جونىندەگى 2020-2025-جىلدارعا ارنالعان كەشەندى ءىس-شارالار جوسپارى اياسىندا كوپتەگەن جۇمىس اتقارىلعانىن اتاپ ءوتتى. سونىڭ ىشىندە قازاقستان تاريحىنا قاتىستى بىرەگەي ارحيۆ قۇجاتتارىن سيفرلاندىرۋ ءۇشىن اۋقىمدى شارالار قولعا الىندى.

ورتالىق مەملەكەتتىك ارحيۆتىڭ ديرەكتورى ءسابيت شىلدەباي ارحيۆ قۇجاتتارىن ساقتاۋ جانە ەسەپكە الۋ ءتارتىبى تۋرالى باياندادى. سونىمەن قاتار عاسىردان استام ۋاقىت تاريحى بار مەكەمە اسا قۇندى قۇجاتتار مەن ماتەريالدار قورىن جيناقتاعانىن ايتتى.

مەملەكەتتىك كەڭەسشى ەلىمىزدىڭ ارحيۆ ءىسىن دامىتۋ مەملەكەتتىك ساياساتتىڭ باسىم باعىتتارىنىڭ ءبىرى ەكەنىنە توقتالدى.