ەرلان قارين قىتاي مەدياكورپوراتسياسىنىڭ باسشىسى شەن حايسيۋنمەن كەزدەستى

Қарин Қытай
Фото: Ақорда

استانا. KAZINFORM - مەملەكەتتىك كەڭەسشى قىتاي مەدياكورپوراتسياسىنىڭ باس ديرەكتورى شەن حايسيۋن باستاعان دەلەگاتسيا وكىلدەرىمەن كەزدەستى.

ەرلان قارين پرەزيدەنت قاسىم-جومارت توقايەۆتىڭ باستاماسىمەن جۇزەگە اسىرىلىپ جاتقان الەۋمەتتىك-ەكونوميكالىق، ساياسي جانە مادەني-گۋمانيتارلىق رەفورمالاردىڭ مازمۇنى مەن ءمان-ماڭىزى تۋرالى ايتتى.

سونداي-اق مەملەكەتتىك كەڭەسشى قازاقستاننىڭ قىتايداعى تۋريزم جىلىنىڭ ماڭىزدىلىعىنا توقتالدى. وسىعان بايلانىستى ول تۋريزم جىلى اياسىندا قولعا الىنعان ءىس-شارالار تۋرالى جان-جاقتى اقپارات تاراتقانى ءۇشىن شەن حايسيۋنگە ريزاشىلىق ءبىلدىرىپ، CCTV-4 جانە CGTN تەلەارنالارىنداعى ءبىرقاتار جوبانى اتاپ ءوتتى.

ءوز كەزەگىندە شەن حايسيۋن قوناقجايلىق كورسەتكەنى ءۇشىن العىس ايتىپ، شاڭحاي ىنتىماقتاستىق ۇيىمى سامميتىنىڭ جانە ق ح ر ءتوراعاسى شي جينپيڭنىڭ مەملەكەتتىك ساپارىنىڭ جوعارى دەڭگەيدە ۇيىمداستىرىلعانىنا نازار اۋداردى.

كەزدەسۋ بارىسىندا تاراپتار كوپتەگەن ماسەلەنى تالقىلاپ، ەكىجاقتى ديالوگتى ءوزارا تۇسىنىستىك پەن ىنتىماقتاستىق رۋحىندا جالعاستىرۋعا ۋاعدالاستى.

ايتا كەتەيىك، بۇعان دەيىن ق ر پرەزيدەنتى ت ر ك جانە CMG قازاقستان مەن قىتاي كوشباسشىلارىنىڭ قاتىسۋىمەن مەموراندۋمعا قول قويعان بولاتىن.

سوڭعى جاڭالىقتار