ەرلان نىسانبايەۆ: ءبىز كيىك سانىن 21 مىڭنان 2,8 ميلليون باسقا دەيىن كوبەيتە الدىق
استانا. KAZINFORM - ەكولوگيا جانە تابيعي رەسۋرستار ءمينيسترى ەرلان نىسانبايەۆ ازياداعى ءوزارا ءىس-قيمىل جانە سەنىم شارالارى جونىندەگى كەڭەسكە مۇشە مەملەكەتتەردەگى ارىپتەستەرىنە تۇقىمى قۇرۋعا جاقىن قالعان كيىك سانىن 20 جىلدىڭ ىشىندە قالاي كوبەيتكەنىن ايتتى.
«ءبىزدىڭ مەملەكەتتەر (ا ءو س ش ك- گە مۇشە ەلدەر - رەد.) وسىمدىكتەر مەن جانۋار قورىنىڭ كولەمى بويىنشا الەمدە جەتەكشى ورىنداردا تۇر.
بىزگە وزىمىزدەگى سيرەك كەزدەسەتىن جانۋارلار پوپۋلياتسياسىن ساقتاۋ باعىتىنداعى ىنتىماقتاستىقتى جانداندىرۋ قاجەت.
مىسالى، قازاقستاننىڭ ەدىل- جايىق كيىكتەرىنىڭ پوپۋلياتسياسىن قالپىنا كەلتىرۋدەگى وڭ تاجىريبەسى بار. ورال پوپۋلياتسياسىنداعى اقبوكەندەردىڭ سانى 2003 -جىلى 21 مىڭ باس بولسا، بيىل 2,8 ميلليونعا دەيىن ءوستى»، - دەدى ول ا ءو س ش ك- گە مۇشە مەملەكەتتەر مينيسترلەرىنىڭ ەكولوگيا ماسەلەلەرىنە ارنالعان كونفەرەنتسياسىندا.
سونداي-اق، ول 2025 -جىلى ىلە مەن بالقاشتىڭ بويىنداعى 415 مىڭ گەكتار اۋماققا رەسەيدەن 3-4 باس جولبارىس جىبەرۋ جوسپاردا بار ەكەنىن ايتتى.
«ءبىز ا ءو س ش ك ەلدەرىنىڭ سيرەك كەزدەسەتىن جانە قونىس اۋداراتىن جانۋارلار تۇرلەرىن ساقتاۋ جونىندەگى ءىس-شارالار جوسپارىن ازىرلەۋدى ۇسىنامىز»، - دەدى مينيستر.
