ەرلان سارسەمبايەۆ ادىلەت ءمينيسترى بولىپ قايتا تاعايىندالدى

ءتيىستى جارلىققا پرەزيدەنت قاسىم-جومارت توقايەۆ قول قويدى.

- ەرلان جاقسىلىق ۇلى سارسەمبايەۆ قازاقستان رەسپۋبليكاسىنىڭ ادىلەت ءمينيسترى لاۋازىمىنا تاعايىندالسىن، - دەلىنگەن قۇجاتتا.

ادىلەت سارسەمبايەۆ 1975-جىلى الماتى وبلىسىندا دۇنيەگە كەلگەن. الماتى ەنەرگەتيكا جانە بايلانىس ينستيتۋتىن، د. ا. قونايەۆ اتىنداعى گۋمانيتارلىق ۋنيۆەرسيتەتىن بىتىرگەن.

1998-2002-جىلدارى – ق ر قارۋلى كۇشتەرىندە وفيتسەرلىك لاۋازىمداردا قىزمەت ەتتى.

2002-2005-جىلدارى - كەڭەسشى، ق ر پرەمەر- ءمينيسترى كەڭسەسىنىڭ سەكتور مەڭگەرۋشىسى.

2005-2011-جىلدارى - ءبولىم مەڭگەرۋشىسىنىڭ ورىنباسارى، ق ر پارلامەنتى سەناتى اپپاراتىنىڭ ءبولىم مەڭگەرۋشىسى.

2011-2016-جىلدارى – ق ر ۇلتتىق قاۋىپسىزدىك ورگاندارىندا باسشىلىق قىزمەتتەردە ىستەدى.

2016-2017-جىلدارى – ق ر پارلامەنتى سەناتى اپپاراتىنىڭ ءبولىم مەڭگەرۋشىسى.

2017-2019 -جىلدارى – ق ر پارلامەنتى سەناتى اپپاراتىنىڭ باسشىسىنىڭ ورىنباسارى.

2019-2022 -جىلدارى – ق ر پارلامەنتى سەناتى اپپاراتىنىڭ ءبولىم مەڭگەرۋشىسى.

2023-2025 -جىلدارى – ق ر كونستيتۋتسيالىق سوتىنىڭ سۋدياسى.

2025 -جىلعى 9-قاڭتاردا ق ر ادىلەت ءمينيسترى بولىپ، 2026 -جىلعى 3 -قىركۇيەكتە بۇل قىزمەتكە قايتا تاعايىندالدى.

ەسكە سالايىق، بۇعان دەيىن داۋرەن قوسانوۆ قورعانىس ءمينيسترى، ەرجان سادەنوۆ ىشكى ىستەر ءمينيسترى، عالىمجان قويشىبايەۆ پرەمەر- ءمينيستردىڭ ورىنباسارى - ۇكىمەت اپپاراتىنىڭ باسشىسى، سەرىك جۇمانعارين پرەمەر- ءمينيستردىڭ ورىنباسارى - ۇلتتىق ەكونوميكا ءمينيسترى، جاسلان ماديەۆ جاساندى ينتەللەكت جانە تيفرلىق دامۋ ءمينيسترى، نۇرلىبەك نالىبايەۆ پرەمەر- ءمينيستردىڭ ءبىرىنشى ورىنباسارى، قانات بوزىمبايەۆ پرەمەر- ءمينيستردىڭ ورىنباسارى، ءمادي تاكيەۆ قارجى ءمينيسترى، نۇرلان ساۋرانبايەۆ كولىك ءمينيسترى لاۋازىمىنا تاعايىندالعانىن حابارلاعانبىز.