رەكتورى پارامەن ۇستالعان اۋەزوۆ ۋنيۆەرسيتەتىن قازىر كىم باسقارىپ وتىر

شىمكەنت. KAZINFORM - قازاقستان رەسپۋبليكاسى عىلىم جانە جوعارى ءبىلىم ءمينيسترى ساياسات نۇربەكتىڭ بۇيرىعىمەن عاني بەسبايەۆ اۋەزوۆ اتىنداعى وقۋ رەكتورىنىڭ مىندەتىن ۋاقىتشا اتقارۋشى قىزمەتىن اتقارىپ جاتىر.

عاني بەسبايەۆ 1997-جىلى م. اۋەزوۆ اتىنداعى و ق ۋ- دە «ەكونوميكالىق كيبەرنەتيكا» ماماندىعىن مەڭگەردى. ەڭبەك جولىن اتالعان وقۋ ورداسىندا زەرتتەۋشى-ستاجەر بولىپ باستاپ، اسپيرانت، «ماتەماتيكالىق ادىستەر جانە مودەللەۋ» كافەدراسىنىڭ وقىتۋشىسى، پەداگوگيكالىق سىرتتاي وقىتۋ فاكۋلتەتىنىڭ دەكانى، قاشىقتان ءبىلىم بەرۋ ينستيتۋتى ديرەكتورىنىڭ ورىنباسارى، «اقپاراتتىق تەحنولوگيالار جانە ەنەرگەتيكا» جوعارى مەكتەبىنىڭ دەكانى قىزمەتتەرىن اتقاردى.

سونداي-اق، ج. ا. تاشەنوۆ اتىنداعى ۋنيۆەرسيتەتتىڭ «IT جانە ەكونوميكا» فاكۋلتەتىنىڭ دەكانى بولدى. م. اۋەزوۆ اتىنداعى وقۋ «ەسەپتەۋ تەحنيكاسى جانە باعدارلامالىق قامتاماسىز ەتۋ» كافەدراسىنىڭ دوتسەنتى، م. اۋەزوۆ ۋنيۆەرسيتەتىندە الەۋمەتتىك جانە تاربيە جۇمىسى جونىندەگى پرورەكتورى لاۋازىمدارىندا ەڭبەك ەتتى.

ايتا كەتەيىك، بۇدان بۇرىن م. اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ باسشىسى كۇدىككە ىلىنگەنىن جازعان بولاتىنبىز.