رۋبيو شەتەلدەگى بارلىق USAID قىزمەتكەرلەرى جۇمىستان شىقسىن دەپ بۇيىردى
استانا. KAZINFORM - ا ق ش- تىڭ مەملەكەتتىك حاتشىسى ماركو رۋبيو ا ق ش-تىڭ دۇنيە جۇزىندەگى ەلشىلىكتەرىنە ا ق ش حالىقارالىق دامۋ اگەنتتىگىنىڭ (USAID) قالعان بارلىق قىزمەتكەرلەرىن جۇمىستان شىعارۋ شارالارىن قابىلداۋدى تاپسىردى، دەپ حابارلايدى ABC News.
رۋبيو ەلشىلىكتەرگە 30 -قىركۇيەككە دەيىن «USAID- تىڭ بارلىق شەتەلدەگى پوزيتسيالارىن جويۋ» جوسپارىن ورىنداۋدى بۇيىرادى.
مەملەكەتتىك دەپارتامەنت USAID- تىڭ سىرتقى كومەك كورسەتۋ باعدارلامالارىن ءوز موينىنا الادى.
فەدەرالدى سۋديا پرەزيدەنت دونالد ترامپتىڭ بىرنەشە فەدەرالدى اگەنتتىكتەردە، سونىڭ ىشىندە مەملەكەتتىك دەپارتامەنتتە جاپپاي جۇمىستان بوساتۋ تۋرالى بۇيرىعىنا ۋاقىتشا توسقاۋىل قويدى، ال تالاپكەرلەر رۋبيونىڭ قايتا ۇيىمداستىرۋ جوسپارى بۇيرىقتى بۇزاتىن سياقتى دەپ سانايدى.
شەتەلدە قالعان USAID قىزمەتكەرلەرىنىڭ بارلىعىن جۇمىستان شىعارۋ ترامپ اكىمشىلىگى مەن ۇكىمەتتىڭ تيىمدىلىگى جونىندەگى دەپارتامەنتىنىڭ (DOGE) ا ق ش اگەنتتىگىن جويۋ جانە ونىڭ 10000 نان استام قىزمەتكەرلەرى مەن مەردىگەرلەرىن جۇمىستان شىعارۋعا باعىتتالعان سوڭعى قادامى.
بۇعان دەيىن قازاقستاندا 6 جىل ىشىندە توعىز ۇ ە ۇ USAID قارجىسىن العانى حابارلانعان بولاتىن.
اۆتور
ەركەجان سماعۇلوۆا
