گەرمانيا كانسلەرى مەرتس ترامپپەن تەلەفون ارقىلى سويلەسۋدى كەيىنگە قالدىردى

گەرمانيا ۇكىمەتىنىڭ وكىلى شتەفان كورنەليۋس بەرليندە جۋرناليستەرگە كانسلەردىڭ بۇگىنگى جۇمىس كەستەسىندە ترامپپەن تەلەفون ارقىلى سويلەسۋ جوسپارلانعانىن ايتتى.

- كانسلەر بۇگىن پرەزيدەنت ترامپپەن تەلەفون ارقىلى سويلەسۋدى جوسپارلاعان ەدى. گەرمانيا تاراپى بۇل اڭگىمەنى كەيىنگە قالدىردى. جاڭا كۇن ازىرگە بەلگىلەنگەن جوق، - دەدى كورنەليۋس.

ونىڭ ايتۋىنشا، تەلەفون ارقىلى سويلەسۋ 2001 -جىلعى 11-قىركۇيەكتەگى تەررورلىق شابۋىلداردىڭ 25 جىلدىعىنا بايلانىستى جوسپارلانعان.

جۋرناليستەردىڭ بىرنەشە رەت قويعان ساۋالىنا قاراماستان، كورنەليۋس اڭگىمەنىڭ كەيىنگە قالدىرىلۋ سەبەبىن اشىپ ايتپادى.

سونىمەن قاتار نەمىس ب ا ق- تارى مەرتستىڭ مۇنداي شەشىمىنە ترامپتىڭ «گەرمانيا ءۇشىن بالاما» پارتياسى (ا د گ) ساكسونيا-انحالت فەدەرالدى جەرىندەگى سايلاۋدا جەڭىسكە جەتكەننەن كەيىن الەۋمەتتىك جەلىدە جاريالاعان جازباسى سەبەپ بولۋى مۇمكىن دەپ بولجام جاسادى.

بۇعان دەيىن ا ق ش پرەزيدەنتى دونالد ترامپ ا د گ- نىڭ ساكسونيا-انحالتتاعى سايلاۋداعى ناتيجەسىن «وتە ۇلكەن جەتىستىك» دەپ اتاعان.

الەۋمەتتىك جەلىدەگى جازباسىندا ترامپ 6 -قىركۇيەكتە وتكەن سايلاۋداعى ا د گ ناتيجەسىن جوعارى باعالاپ، پارتيانىڭ قولداۋى ارتىپ كەلە جاتقانىن ايتتى. سونداي-اق گەرمانيا جۇرگىزىلىپ جاتقان كوشى-قون ساياساتىنا «ەندى توزۋگە نيەتتى ەمەس» ەكەنىن اتاپ وتكەن ەدى.

ەسكە سالا كەتسەك، بۇعان دەيىن گەرمانيادا مىڭداعان ادام دەموكراتيانى قولداۋ اكسياسىنا قاتىسقانىن جازدىق.