قىزىلوردادا كۇيىپ قالعان بالالار تىكۇشاقپەن الماتىعا جەتكىزىلدى

الماتى. KAZINFORM - الماتىعا ساناۆياتسيا بورتىمەن كۇيىپ قالعان ەكى بالا جەتكىزىلدى. بۇل تۋرالى ق ر دەنساۋلىق ساقتاۋ ءمينيسترى اقمارال ءالنازاروۆا ءوزىنىڭ الەۋمەتتىك جەلىدەگى پاراقشاسىندا جازدى.

- 31-شىلدەدە قىزىلوردا وبلىسىندا دەنەسىنىڭ %75- عا جۋىعىن كۇيىك شالعان اسا اۋىر جاعدايداعى ەكى بالا شۇعىل تۇردە الماتى قالاسىنىڭ بالالار جانە شۇعىل مەديتسينالىق كومەك ورتالىعىنا جەتكىزىلدى. پاتسيەنتتەردىڭ جاعدايى اۋىر، بارلىق قاجەتتى ەمدەۋ شارالارى جۇرگىزىلىپ جاتىر، - دەپ جازدى مينيستر.

ەسكە سالايىق، قىزىلوردادا تۇرعىن ۇيدە جارىلعان گاز سالدارىنان ءتورت جاسوسپىرىم زارداپ شەككەن بولاتىن.

وقيعا قىزىلوردا قالاسىنىڭ ءال-فارابي شاعىناۋدانىندا جەر ۇيدە بولعان.

گاز اۋا قوسپاسىنىڭ جىلىستاۋى سالدارىنان ءورت شىقپاي-اق ءۇي قيراپ قالدى.

اۆتور

دوسبول اتاجان