قىزىلوردا قالاسىندا ءبىر كۇندە ءۇش بالا تەرەزەدەن قۇلاپ كەتتى

قىزىلوردا. KAZINFORM - قىزىلوردا قالاسىندا ءبىر كۇندە ەرەسەكتەردىڭ قاراۋىنسىز قالعان ءۇش بالا كوپ قاباتتى ءۇيدىڭ تەرەزەسىنەن قۇلاپ كەتتى.

وقيعا كەشە، 12-مامىردا وبلىس ورتالىعىندا بولعان. ساعات 21.37-دە كوپ قاباتتى ءۇيدىڭ ءۇشىنشى قاباتىنداعى بالكوننان ءۇي يەسىنىڭ 2017 -جىلعى قىزى مەن 2018 -جىلعى تۋىسى قۇلاپ كەتكەن. ولار ءارتۇرلى دەنە جاراقاتىمەن اۋرۋحاناعا جاتقىزىلدى.

سونداي-اق، قالانىڭ سول جاعالاۋ بولىگىندە كوپ قاباتتى ءۇيدىڭ ءبىرىنشى قاباتىنىڭ تەرەزەسىنەن ءۇي يەسىنىڭ 2021 -جىلعى بالاسى قۇلاپ كەتتى. ول ءارتۇرلى دەنە جاراقاتىمەن اۋرۋحاناعا جاتقىزىلعان.

«اتا-انالاردان كىشكەنتاي بالالاردى قاراۋسىز قالدىرماۋدى سۇرايمىز. موسكيت تورى بالالاردى تەرەزەدەن قۇلاۋدان قورعاي المايدى. ەرەسەكتەردىڭ قاراۋىنسىز بالالاردىڭ بالكونعا شىعۋىنا رۇقسات بەرمەگەن ءجون. ءاربىر بالانىڭ ومىرىنە اتا-اناسى جاۋاپتى ەكەنىن ەستەن شىعارماعان ءجون»، - دەپ ءمالىم ەتتى قىزىلوردا وبلىستىق توتەنشە جاعدايلار دەپارتامەنتىنەن.

ۆەدومستۆو مالىمەتىنشە، بيىل مۇنداي 7 وقيعا تىركەلگەن. بىلتىر ولاردىڭ سانى 14 دەرەككە جەتتى.

اۆتور

ءادىلجان ۇمبەت