قىزمەتتىك كولىكپەن 17 جاستاعى قىزدى الماتىعا جەتكىزبەك بولعان پوليتسەيلەر جۇمىستان قۋىلدى

قوناەۆ. KAZINFORM - ەتيكالىق نورمانى بۇزعان پوليتسەيلەر قىزمەتىنەن بوساتىلدى. بۇل تۋرالى الماتى وبلىسىنىڭ پوليتسيا دەپارتامەنتى مالىمدەدى.

الەۋمەتتىك جەلىدە پوليتسيا قىزمەتكەرلەرىنىڭ ايالداما كولىكپەن تۇرىپ، سىرتتا تۇرعان جاس قىزبەن سويلەسىپ تۇرعان بەينەجازباسى تارادى. ۆيدەو اۆتورىنىڭ سۇراعىنا 17 جاستاعى قىز «ساياحاتقا اپارىپ تاستايمىز دەدى» دەپ جاۋاپ بەردى.

وبلىستىق پوليتسيا دەپارتامەنتى اتالعان فاكتى بويىنشا قىزمەتتىك تەكسەرۋ جۇرگىزىلگەنىن حابارلادى.

- كاسىبي قىزمەت بارىسىندا ولاردىڭ تاراپىنان ەتيكالىق نورمالاردىڭ بۇزىلۋى بەلگىلى بولدى، بۇل پوليتسيا قىزمەتكەرلەرى ءۇشىن مۇلدەم جول بەرىلمەيتىن ارەكەت. تەكسەرۋ قورىتىندىسى بويىنشا ءبىر قىزمەتكەر ىشكى ىستەر ورگاندارىنان شىعارىلسا، ەكىنشىسى اتقارىپ وتىرعان لاۋازىمىنان بوساتىلدى. اتالعان قىزمەتكەرلەردىڭ باسشىلارى تارتىپتىك جاۋاپكەرشىلىككە تارتىلدى، - دەپ حابارلادى دەپارتامەنتتەن.

ەسكە سالايىق، بۇعان دەيىن الماتىدا پوليتسيا اتىن جامىلىپ، الاياقتىق جاساعان كۇدىكتىلەر ۇستالعانىن جازعانبىز.

اۆتور

دوسبول اتاجان