قىز بالا مەن قىز تاربيەسى تۋرالى قازاقتىڭ ماقال-ماتەلدەرى
استانا. قازاقپارات - قازاق حالقى قاشاننان قىز بالانىڭ تاربيەسىنە ءجىتى نازار اۋدارىپ، قىزدى قوناق دەپ قۇرمەتتەگەن. ءبىر قولىمەن الەمدى، ءبىر قولىمەن بەسىكتى تەربەيتىن ايەل زاتىنىڭ باستى قۇندىلىقتارىن ءدال سول تال بەسىكتەن سىڭىرگەن. بارعان جەرىندە قادىرلى، قاسيەتتى انا، كەلىن اتانۋى، ۇزاتىلىپ كەتكەندە توركىنىنە ءسوز تيمەس ءۇشىن بارىنشا يبالى، يناباتتى، ىسمەر، سىپايى، قىلىقتى ەتىپ وسىرگەن. ۇيدەن شىعارىپ سالىپ قىزدارىنا اتا- بابالارىمىزدىڭ «سۋداي ءسىڭىپ، تاستاي بات» دەگەن باتاسىن دا بەرۋى بەكەر ەمەس شىعار. ءبىز بۇگىن قىز بالانىڭ تاربيەسىنە بايلانىستى ماقال-ماتەلدەردى نازارلارىڭىزعا ۇسىنادى.
ءبىر قىز كۇيەۋگە شىقسا،
قىرىق قىز ءتۇس كورەدى.
* * *
قىز وسسە - ەلدىڭ كوركى
گۇل وسسە جەردىڭ كوركى.
* * *
قايتىپ كەلگەن قىز جامان،
قايتا شاپقان جاۋ جامان.
* * *
قىز بالا وكپەشىل بولسا،
قالىڭ مالى كوپ بولار.
* * *
قىزى بار ءۇيدىڭ جەڭگەسى سۇيكىمدى كەلەدى.
* * *
قىزدى قىمتاپ ۇستاعان ۇيالمايدى.
* * *
كۇيەۋ جامان بولسا قىزىڭنان.
* * *
قىزدىڭ ۇياتى شەشەگە.
* * *
قىزدى اسىراپ بىلمەگەن كۇڭ ەتەر،
جىبەكتى تۇتە الماعان ءجۇن ەتەر.
* * *
قىزىم ساعان ايتام،
كەلىنىم سەن تىڭدا.
* * *
شەشەسىنە قاراپ قىزىن ال،
اياعىنا قاراپ اسىن ءىش.
* * *
قىزعا قىرىق ۇيدەن تىيىم.
* * *
قىز كۇنىندە ءبارى جاقسى،
جامان قاتىن قايدان شىعادى.
* * *
قىز - ءورىس، ۇل - قونىس.
* * *
ەكى اۋىلدىڭ اراسىن جول قوسادى،
ەكى ەلدىڭ اراسىن قىز قوسادى.
* * *
قىزدىڭ جولى جىڭىشكە.
* * *
قىزدىڭ قىرىق جانى بار.
* * *
سۋدىڭ ءتۇبىن شىم بەكىتەر،
داۋدىڭ ءتۇبىن قىز بەكىتەر.
* * *
اقىلدى قىز بىلىمگە جۇگىرەر،
اقىلسىز قىز سوزگە ىلىگەر.
* * *
قىرسىققان قىز باي تاپپاس،
قىرسىز جىگىت مال تاپپاس.
* * *
جاقسى قىز - جاعاداعى قۇندىز،
جاقسى جىگىت - اسپانداعى جۇلدىز.
* * *
قىزدىڭ قاباعىندا قۇت بار.
قىزدىڭ قاباعى كۇلىمدەسە - قۇت كەلەدى.
