قىتايلار استىق ساقتايتىن ەرەكشە قامبا جاساپ شىعاردى

استانا. قازاقپارات - قىتاي استىق ساقتايتىن ەرەكشە قامبا جاسادى. وڭاي قۇراستىرىلاتىن مۇنداي قويما الەمدە بۇرىن-سوڭدى بولماعان دەيدى بىلەتىندەر. سىيىمدىلىعى 9 مىڭ تونناعا دەيىن ءداندى داقىل جيناي الاسىز.

 قۇرىلعى شىعىنى دا الدەقايدا از. تيىمدىلىگى اسا جوعارى. بۇل قامبا تەز جينالىپ، تەز قۇراستىرىلادى. ينجەنەرلەر وعان پنيەۆماتيكالىق تەحنولوگيانى قولدانعان. بىلايشا ايتقاندا قويما قاجەت بولسا ۇرلەي سالاسىڭ. ديقاندارعا وتە ىڭعايلى.

 ۆان يۋە، استىقتى ساقتاۋ عىلىمي-زەرتتەۋ ينستيتۋتىنىڭ ينجەنەرى:

- قامبا بىرەگەي تەحنولوگيامەن سالىنعان. ىستىق پەن سۋىققا، جاۋىن-شاشىنعا ءتوزىمدى. ءداستۇرلى قويمالارعا قاراعاندا تيىمدىلىگى 6 ەسە جوعارى. ءار قويمانىڭ ديامەترى 24، بيىكتىگى 33 مەتر.

ينجەنەرلەردىڭ ايتۋىنشا، ىشىندە وتتەگى مۇلدە بولمايدى. بۇل زيانكەستەردەن قورعايدى. ال سەنسورلى جەلى ارقىلى جينالعان استىقتىڭ تەمپەراتۋراسىن باقىلاۋدا ۇستاۋعا بولادى.

جين فەن، جوبا جەتەكشىسى:

- استىق ساپاسى جاقسى ساقتالادى. 100 ادام اتقاراتىن جۇمىستى ەندى 18 ادام عانا ىستەي الادى. ءداستۇرلى قويمالارعا قاراعاندا شىعىن 30-40 پايىزعا ازايدى. جوبا حۋنان پروۆينتسياسىندا جۇزەگە اسىرىلىپ جاتىر. قازىر العاشقى 5 داناسى ءساتتى سالىندى. جۋىردا پايدالانۋعا بەرىلەدى.

 24.kz