استانادا 6 مىڭ سالىمشىسى بار تۇرعىن ۇيلەر قۇرىلىسى زاڭسىز بولىپ شىقتى

استانا. قازاقپارات- استانادا 6 مىڭنان استام سالىمشىسى بار تۇرعىن ءۇي كەشەندەرىنىڭ قۇرىلىسى زاڭسىز بولىپ شىقتى. بۇل تۋرالى قالالىق پروكۋراتۋرا حابارلادى.

قازىر جوسىقسىز كومپانيالارعا قاتىستى 16 قىلمىستىق ءىس تەرگەلىپ جاتىر. 12 ادام قاماۋعا الىنعان. قۇنى 7 ميلليارد تەڭگەدەن اساتىن، ءبىراق قۇرىلىسى اياقتالماعان نىسانداردىڭ شىعىنىن قايتارۋ تۋرالى پروكۋروردىڭ 8 تالابى سوتتا قاناعاتتاندىرىلدى.

پروكۋراتۋرا تۇرعىنداردان ۇلەسكەرلىكتىڭ شارتتارىنا ەرەكشە ءمان بەرۋىن سۇراپ وتىر. سونىڭ ىشىندە تۇرعىن ءۇي قۇرىلىسى وپەراتورىنىڭ كەپىلدىگى بولۋ قاجەت. ال ۇلەسكەرلەردىڭ قاراجاتى عيماراتتىڭ ىرگەتاسى قالانعان سوڭ تارتىلۋى ءتيىس.

24.kz