قىتايداعى جەر سىلكىنىسىنەن قازا تاپقاندار سانى 53-كە جەتتى

استانا. KAZINFORM - شيزاڭ اۆتونوميالىق اۋدانى (قىتايدىڭ وڭتۇستىك-باتىسى) شيگاتسزە قالاسىنداعى دينجي ۋەزىندە ماگنيتۋداسى 6,8 بالدىق جەر سىلكىنىسى بولدى، دەپ حابارلايدى سينحۋا.

جەر سىلكىنىسىنىڭ سالدارىن جويۋ جونىندەگى جەرگىلىكتى شتابتىڭ حابارلاۋىنشا، سەيسەنبى كۇنى ساعات 12:30- داعى جاعداي بويىنشا 52 ادام قازا تاۋىپ، تاعى 62 ادام ءارتۇرلى دارەجەدە جاراقات العان.

قىتايدىڭ سەيسمولوگيالىق جەلى ورتالىعىنىڭ مالىمەتىنشە، جەر سىلكىنىسىنىڭ وشاعى سولتۇستىك ەندىكتىڭ 28,50 گرادۋسى مەن شىعىس بويلىقتىڭ 87,45 گرادۋسىنىڭ كوورديناتاسىندا ورنالاسقان. گيپوتسەنتر 10 ك م تەرەڭدىكتە جاتقان.

زارداپ شەككەندەر تۋرالى سەيسەنبى كۇنى بەيجىڭ ۋاقىتى بويىنشا ساعات 09:05- تە شيزاڭ اۆتونوميالىق اۋدانى (وڭتۇستىك- باتىس قىتاي) شيگاتسزە قالاسىنداعى دينجي وكرۋگىندە حابارلاندى.

چانسو ەلدى مەكەنىندە ورنالاسقان توڭلاي اۋىلىندا دا ۇيلەر وپىرىلدى.

دينجي وكرۋگىنىڭ باسشىسى سينحۋا اگەنتتىگىنە بەرگەن سۇحباتىندا جەر سىلكىنىسىنىڭ بۇكىل وكرۋگتە سەزىلگەنىن ايتتى.

بۇعان دەيىن ا ق ش- تىڭ گەولوگيالىق قىزمەتى 7,1 بالدىق جەر سىلكىنىسى بولعانىن حابارلاعان بولاتىن. جەراستى دۇمپۋلەرى نەپال استاناسى كاتماندۋدا دا سەزىلدى.

ەركەجان سماعۇلوۆا
اۆتور