قىتاي پوليتسياسى قازاقستان ازاماتىن نەگە ۇستادى –س ءى م ءتۇسىندىردى
استانا. KAZINFORM - سىرتقى ىستەر مينيسترلىگىنىڭ رەسمي وكىلى ايبەك سمادياروۆ قىتاي پوليتسياسى قازاقستان ازاماتىن نەگە ۇستاعانىنا تۇسىنىك بەردى.
«ول اقپاراتتى بىلەم. ءبىر قىزىعى، ول كىسى قازاقستان ازاماتتىعىن العان. ءبىراق بىرنەشە جىل بۇرىن قىتاي ازاماتى بولعان كەزدە جول-كولىك اپاتىنا تۇسكەن. ءبىراق باسقا تاراپپەن پروبلەماسىن شەشپەي قازاقستانعا كەتىپ قالعان. وسى جولى بارعاندا جەرگىلىكتى پوليتسيا وعان «وسى ماسەلەڭدى شەش، سودان كەيىن ارى قاراي جۇرە بەرسەڭ بولادى» دەگەن تالاپ قويعان»، - دەدى س ءى م رەسمي وكىلى.
ايبەك سمادياروۆ اتالعان ازامات قازىر قازاقستانعا امان-ەسەن كەلگەنىن اتاپ ءوتتى.
«ەشقانداي پروبلەما بولماعان. ول كىسى ءوز ماسەلەسىن شەشىپ، داۋلاسقان باسقا تاراپپەن جاعدايدى رەتتەگەننەن كەيىن پاسپورتىن الىپ، جۇرە بەرگەن. ءبىر دە ءبىر كۇن قاماۋعا الىنعان دا، وعان كۇش جۇمسالعان دا جوق. قازىر ول قازاقستانعا قايتىپ كەلدى»، - دەدى ول.
بۇعان دەيىن قىتايداعى تۋىستارىنا قىدىرىپ بارعان قازاقستان ازاماتى ءتۇرسىنالى بەكداۋلەتتى قىتاي پوليتسياسىنىڭ ۇستاعانى ءمالىم بولعان ەدى.
