قىرعىزستاندا «يسلام مەملەكەتى» حالىقارالىق لاڭكەستىك ۇيىمىنىڭ مۇشەلەرى ۇستالدى

بىشكەك. KAZINFORM - مۇشەلەرى «يسلام مەملەكەتى» حالىقارالىق لاڭكەستىك ۇيىمىنىڭ (قازاقستاندا تىيىم سالىنعان - رەد. ) يدەولوگياسىن بەلسەندى تۇردە ناسيحاتتايتىن استىرتىن راديكالدى توپ ءىس-ارەكەتىنىڭ جولى كەسىلدى، دەپ حابارلايدى قىرعىز رەسپۋبليكاسى ۇلتتىق قاۋىپسىزدىك مەملەكەتتىك كوميتەتى. بۇل تۋرالى كابار اقپارات اگەنتتىگى جازدى.

كوميتەتتىڭ مالىمەتىنشە، بىشكەك پەن ەلدىڭ باسقا ايماقتارىندا بارلىعى 15 ادام ۇستالعان. ولاردىڭ تۇرعىلىقتى جەرلەرىندە ءتىنتۋ جۇرگىزىلىپ، كوپ مولشەردە ءدىني ادەبيەت تاركىلەنىپ، ءتيىستى ساراپتامالار تاعايىندالدى.

توپ جەتەكشىلەرىنىڭ ءبىرىن الەۋمەتتىك جەلىدە «ي م» حالىقارالىق لاڭكەستىك ۇيىمىنىڭ (قازاقستاندا تىيىم سالىنعان - رەد. ) اۋعانستاننان كەلگەن مۇشەسى قاشىقتان جۇمىسقا الدى. ءوز سونىڭ نۇسقاۋلارىن ورىنداپ، باسقا جاقتاستارىن تارتۋعا كىرىسكەن.

الدىن الا مالىمەت بويىنشا، تاراتىلعان فوتو جانە بەينەماتەريالداردا «تەررورلىق ارەكەتتەرگە جاريا شاقىرۋ»، «ۇلتتىق، ناسىلدىك، ەتنيكالىق، ءدىني جانە ءوڭىرارالىق ارازدىقتى (الاۋىزدىقتى) قوزدىرۋ» جانە «حاليفات» ورناتۋ ارقىلى كونستيتۋتسيالىق قۇرىلىستى قۇلاتۋ» بەلگىلەرى بار.

سونىمەن قاتار، اتىس قارۋىن جانە سۋىق قارۋدى قولدانۋ، سونداي- اق قولدان جاسالعان جارىلعىش قۇرىلعىلاردى جاساۋ بويىنشا وقۋ- ادىستەمەلىك بەينەروليكتەر تاراتىلدى.

وسىلايشا، ۇستالعان 4 ادام بىشكەكتەگى №1 تەرگەۋ اباقتىسىنا قامالدى، وسى توپتىڭ باسقا دا مۇشەلەرى مەن سىبايلاستارىن انىقتاۋ بويىنشا كەشەندى تەرگەۋ-جەدەل شارالارى جالعاسۋدا.

اۆتور

زارينا تۋعانبايەۆا