قىرعىزستاندا مينيسترلەر كابينەتى باسشىسى مەن مينيسترلەردىڭ قىزمەت وتىلىنە قويىلاتىن تالاپتار وزگەردى

استانا. KAZINFORM - قىرعىز رەسپۋبليكاسىنىڭ پرەزيدەنتى سادىر جاپاروۆ قىرعىز رەسپۋبليكاسى مينيسترلەر كابينەتىنىڭ قىزمەتىن جەتىلدىرۋگە باعىتتالعان كونستيتۋتسيالىق زاڭعا قول قويدى، دەپ حابارلايدى Kazinform اگەنتتىگىنىڭ ءتىلشىسى.

مينيسترلەر كابينەتى ءتوراعاسىنىڭ جانە مينيسترلەر كابينەتىنىڭ باسقا مۇشەسىنىڭ لاۋازىمدارىندا جوعارى ءبىلىمى، مەملەكەتتىك جانە (نەمەسە) مۋنيتسيپالدى لاۋازىمداردا بارلىعى 7 جىلدان كەم ەمەس ءوتىلى بار، ونىڭ ىشىندە باسشى لاۋازىمداردا 5 جىلدان كەم ەمەس ءوتىلى بار ادامدار، سونداي-اق كەمىندە 10 جىل ءوتىلى بار تۇلعالار قىزمەت ەتە الادى؛

باسقا اتقارۋشى ورگاننىڭ باسشىسى لاۋازىمىندا جوعارى ءبىلىمى بار، مەملەكەتتىك جانە (نەمەسە) مۋنيتسيپالدى لاۋازىمداردا بارلىعى 5 جىلدان كەم ەمەس، ونىڭ ىشىندە باسشى لاۋازىمىندا 3 جىل جۇمىس ءوتىلى بار ادامدار، سونداي-اق كەمىندە 7 جىل جۇمىس ءوتىلى بار ادامدار قىزمەت ەتە الادى.

قىرعىز رەسپۋبليكاسىندا جوگوركۋ كەنەش دەپۋتاتتارىن سايلاۋدىڭ جاڭا جۇيەسى بەكىتىلگەنى بۇعان دەيىن حابارلانعان بولاتىن.

اۆتور

ەركەجان سماعۇلوۆا