قىرعىزستاندا ۇلتتىق قاۋىپسىزدىكتىڭ بۇرىنعى باسشىسىنىڭ اعاسى ۇستالدى
بىشكەك. KAZINFORM - سىبايلاس جەمقورلىق جاسادى دەگەن كۇدىككە ىلىنگەن جوگوركۋ كەنەشتىڭ بۇرىنعى دەپۋتاتى شايربەك تاشيەۆ ۇستالدى، دەپ حابارلايدى Kazinform اگەنتتىگىنىڭ بىشكەكتەگى مەنشىكتى ءتىلشىسى.
قىرعىزستان ءى ءى م مالىمەتىنشە، ۇستاۋ «قىرعىزمۇنايگاز» ا ا ق- داعى سىبايلاس جەمقورلىققا قاتىستى قىلمىستىق ءىستىڭ بولىگى اياسىندا جۇزەگە اسىرىلدى. بۇعان مينيسترلەر كابينەتى جانىنداعى مەملەكەتتىك سالىق قىزمەتىنىڭ ماتەريالدارى مەن اۋديتتىك تەكسەرۋ نەگىز بولعان.
ۇستالعان ادام ءى ءى م ب بىشكەك قالاسىنداعى ۋاقىتشا ۇستاۋ وقشاۋلاعىشىنا قامالدى.
14- ناۋرىزدا شايربەك تاشيەۆ دەپۋتاتتىق مانداتىنان ءوز ەركىمەن باس تارتتى. قىرعىز رەسپۋبليكاسىنىڭ ورتالىق سايلاۋ كوميسسياسى ونىڭ دەپۋتاتتىق وكىلەتتىگىن مەرزىمىنەن بۇرىن توقتاتتى.
ەسكە سالا كەتسەك، 10- اقپاندا قىرعىزستاننىڭ ۇ ق م ك باسشىلىق قۇرامىندا اۋىس-ءتۇيىس بولدى. قامچىبەك تاشيەۆ مينيسترلەر كابينەتى ءتوراعاسىنىڭ ورىنباسارى -ۇلتتىق قاۋىپسىزدىك جونىندەگى مەملەكەتتىك كوميتەتتىڭ ءتوراعاسى قىزمەتىنەن بوساتىلدى.
ۇلتتىق قاۋىپسىزدىك جونىندەگى مەملەكەتتىك كوميتەتتىڭ باسشىسى اۋىستىرىلعاننان كەيىن ءتوراعانىڭ ءۇش ورىنباسارى دا قىزمەتىنەن بوساتىلدى.
قىرعىزستان پرەزيدەنتى سوڭعى كادرلىق شەشىمدەر نەدەن تۋىنداعانىن ءتۇسىندىردى.
ول سونداي-اق ۇ ق م ك بۇرىنعى باسشىسىمەن اراداعى كەلىسپەۋشىلىك تۋرالى تۇسىنىك بەردى.
