قىرعىزستاندا جەرگىلىكتى كەڭەشتەر دەپۋتاتتىعىنا ۇمىتكەرلەردىڭ ءارقايسىسى تەكسەرىلەدى
بىشكەك. KAZINFORM - قىرعىزستان ۇلتتىق قاۋىپسىزدىك مەملەكەتتىك كوميتەتىنىڭ ءتوراعاسى قامچىبەك تاشيەۆ جەرگىلىكتى كەڭەشتەر دەپۋتاتتىعىنا ۇمىتكەرلەردىڭ ءارقايسىسىنىڭ قىلمىسقا جانە سىبايلاس جەمقورلىققا قاتىسى بار-جوعىن مۇقيات تەكسەرۋدى تاپسىردى.
ارنايى قىزمەت باسشىسى باتكەن وبلىسىندا شەكاراشىلارمەن كەزدەسۋدە مەملەكەتتىك ورگانداردىڭ سايلاۋ بارىسىنا ارالاسپاۋى كەرەكتىگىن باسا ايتتى.
«ءبىز مەملەكەتتى ءادىل باسقارۋىمىز كەرەك. مەملەكەتتىك ورگاندار، ونىڭ ىشىندە اسكەري قىزمەتكەرلەر سايلاۋعا ارالاسپاۋى كەرەك. بۇرىنعىداي بولمايدى. اركىم ءوزىنىڭ قالاعان كانديداتىن قىسىمسىز تاڭداۋى ءتيىس. ءبىز دەپۋتاتتاردىڭ مەملەكەتكە قىزمەت ەتۋى ءۇشىن تازا بولۋىن قامتاماسىز ەتۋگە تىرىسامىز. ءبىز جەرگىلىكتى كەڭەشتەردى، پارلامەنتتى ادىلەتسىز سايلانعان، سونداي-اق قىلمىس، سىبايلاس جەمقورلىق جانە بۇرىن زاڭ بۇزعان دەپۋتاتتاردان تازارتتىق. قازىرگى دەپۋتاتتىققا ۇمىتكەرلەر بۇگىننەن باستاپ ويلانۋى كەرەك. كانديداتتاردىڭ ءارقايسىسىن تەكسەرىپ، ءوزى نەمەسە تۋىستارى قىلمىسقا، ۇيىمداسقان قىلمىستىق توپتارعا جانە سىبايلاس جەمقورلىققا قاتىسى بار ادامداردى تىزىمنەن شىعارۋ قاجەت. داۋىستاردى ساتىپ العاندار زاڭعا سايكەس قاتاڭ جازاعا تارتىلادى. مەملەكەتتى تازارتۋ سايلاۋدان باستالۋى كەرەك»، - دەپ مالىمدەدى ق. تاشيەۆ.
ەسكە سالا كەتسەك، 2024 -جىلدىڭ 17- قاراشاسىندا قىرعىزستاندا جەرگىلىكتى كەڭەشتەردىڭ، سونداي- اق بىشكەك پەن وش قالالارى دەپۋتاتتارىنىڭ سايلاۋى وتەدى. وسك مالىمەتىنشە، 39 ساياسي پارتيا 33 قالالىق كەڭەش دەپۋتاتتىعىنا 188 كانديداتتىڭ ءتىزىمىن ۇسىنعان.
اۆتور
زارينا تۋعانبايەۆا
