قىرعىزستاندا بالالاردى شەتەلگە ساتۋ ءۇشىن اسىراپ العان
بىشكەك. KAZINFORM - قىرعىزستاندا كامەلەتكە تولماعان بالالاردى زاڭسىز اسىراپ الىپ، كەيىننەن ساتۋ ماقساتىندا ەلدەن تىس جەرلەرگە تاسىمالداعان تۇراقتى ترانسۇلتتىق قىلمىستىق ۇيىم قىزمەتىنىڭ جولى كەسىلدى.
قىرعىزستان رەسپۋبليكاسى ۇلتتىق قاۋىپسىزدىك مەملەكەتتىك كوميتەتى باسپا ءسوز قىزمەتىنىڭ حابارلاۋىنشا، بۇل قىلمىستىق توپتىڭ قۇرامىندا 2022 -جىلدان بەرى ايلا-شارعى جاساۋ، پارا الۋ جانە قىرعىز رەسپۋبليكاسىنىڭ زاڭناماسىن بۇزۋ جولىمەن الەۋمەتتىك وسال وتباسىلاردان شىققان قىرعىز بالالارىنا قامقورلىق الۋعا تولىق قۇقىق العان شەتەلدىكتەر مەن قىرعىزستان ازاماتتارى بولدى. قىرعىزستان رەسپۋبليكاسى قىلمىستىق كودەكسىنىڭ 166-بابى («ادام ساۋداسى» ) بويىنشا قىلمىستىق ءىس قوزعالدى.
20 -قىركۇيەكتە وقيعاعا قاتىسى بار تۇلعالار ۇستالىپ، ۇ ق م ك ۋاقىتشا ۇستاۋ وقشاۋلاعىشىنا قامالدى. قازىرگى ۋاقىتتا ارنايى قىزمەت قىلمىستىق ۇيىمنىڭ باسقا مۇشەلەرى مەن ولاردىڭ سىبايلاستارىن، سونداي- اق بارلىق جابىرلەنۋشىلەردى انىقتاۋ بويىنشا جەدەل- ىزدەستىرۋ جانە جەدەل ءىس- شارالاردى جالعاستىرۋدا.
بۇل ءىس بويىنشا كۇدىكتىلەر قاماۋعا الىندى.
اۆتور
زارينا تۋعانبايەۆا
