قىرعىزستاندا استانادا وتەتىن 5 دۇنيەجۇزىلىك كوشپەندىلەر ويىندارىنا ارنالعان «ات چابىش» مونەتاسى شىعارىلدى

استانا. قازاقپارات - 1-تامىزدان باستاپ قىرعىزستان ۇلتتىق بانكى 2024 -جىلعى 8-14-قىركۇيەك ارالىعىندا وتەتىن V دۇنيەجۇزىلىك كوشپەندىلەر ويىندارىنا ارنالعان «دۇنيەجۇزىلىك كوشپەندىلەر ويىندارى» سەرياسىنىڭ «ات چابىش» كۇمىس كوللەكتسيالىق مونەتاسىن اينالىمعا شىعارادى.

«ات چابىش» - ۇزاق قاشىقتىققا ات جارىستىراتىن قىرعىزداردىڭ ەجەلگى جانە تانىمال سپورت ءتۇرى.

مونەتانىڭ الدىڭعى جاعىندا يپپودروم فونىندا اتقا مىنگەن ەكى شاباندوز بەينەلەنگەن. مونەتانىڭ جوعارعى جاعىندا دۇنيەجۇزىلىك كوشپەندىلەر ويىندارىنىڭ ەمبلەماسى جانە «ات چابىش / at Chabysh» مونەتاسىنىڭ اتاۋى جازىلعان جازبا، سونداي-اق 10 سوم مونەتانىڭ نومينالى كورسەتىلگەن.

فوتو: ق ر ۇلتتىق بانكى

«ات چابىش» كوللەكتسيالىق مونەتاسى قىرعىز رەسپۋبليكاسىنىڭ اۋماعىندا رەسمي تولەم قۇرالى مارتەبەسىنە يە.

ەستەرىڭىزگە سالا كەتەيىك، ۇلتتىق سپورت تۇرلەرى بويىنشا الەمدەگى ەڭ ءىرى جارىستار 8-14-قىركۇيەك ارالىعىندا استانادا وتەدى. قازاقستان استاناسى ەلىمىزدىڭ جانە الەمنىڭ ءار ەلىنەن 100 مىڭعا جۋىق تۋريستتى قابىلداۋعا دايىندالىپ جاتىر.

بۇعان دەيىن V دۇنيەجۇزىلىك كوشپەندىلەر ويىندارىندا جۇلدەلەردىڭ جالپى سوماسى 253 ميلليون تەڭگە ەكەنى حابارلانعان بولاتىن.

اۆتور
ەركەجان سماعۇلوۆا