قىرعىزستان مال ەكسپورتىن ۋاقىتشا توقتاتتى

استانا. KAZINFORM - قىرعىزستاندا ءىرى قارا، ۇساق مال جانە جىلقى مالىن ءۇشىنشى ەلگە ەكسپورتتاۋعا تىركەۋ جانە رۇقسات بەرۋ ۋاقىتشا توقتاتىلدى.

قىرعىزستاننىڭ سۋ رەسۋرستارى، اۋىل شارۋاشىلىعى جانە قايتا وڭدەۋ ونىمدەرى مينيسترلىگىنىڭ دەرەكتەرى بويىنشا مال ەكسپورتى ۆەتەرينارلىق قىزمەتتىڭ جانۋارلاردى يدەنتيفيكاتسيالاۋ جانە قاداعالاۋ جۇيەسىندە اۋىل شارۋاشىلىعى جانۋارلارىن ەكسپورتتاۋ ۋاقىتشا توقتاتىلدى.

قابىلدانعان شارا ەلدەگى اۋىلشارۋاشىلىق جانۋارلارىنىڭ سانىن ناقتى ەسەپكە الۋدى قامتاماسىز ەتۋگە، سونداي-اق ۆەتەريناريالىق-سانيتاريالىق نورمالاردىڭ ساقتالۋىنا باقىلاۋدى ارتتىرۋعا باعىتتالعان. بۇل قىرعىز رەسپۋبليكاسىنىڭ وتاندىق جانە حالىقارالىق سەرىكتەستەرىنە كورسەتىلەتىن قىزمەتتەردىڭ ساپاسىن ارتتىرۋعا مۇمكىندىك بەرەدى.

- تۇگەندەۋ 15-20 كۇنگە سوزىلۋى مۇمكىن. ودان كەيىن ەكسپورتقا رۇقسات الۋ پروتسەسى قايتا جاندانادى. وسى كەزەڭدە جىبەرىلگەن بارلىق وتىنىمدەر تۇگەندەۋ جۇمىستارى اياقتالعاننان كەيىن بىردەن ءبىرىنشى كەزەكتە قارالاتىن بولادى، - دەلىنگەن حابارلامادا.

بۇعان دەيىن قىرعىزستاندا مەملەكەتتىك قىزمەتكەرلەردىڭ جالاقىسىن كوتەرۋگە موراتوري ەنگىزىلگەنى حابارلانعان بولاتىن.

اۆتور

ەركەجان سماعۇلوۆا