قىرعىزستان بيلىگى قازاقستاندا جانارمايدىڭ نەلىكتەن ارزان ەكەنىن ءتۇسىندىردى

 ورۋنبەكوۆ مالىمدەمەسىندە، قىرعىزستان ازاماتتارىنىڭ ەكى ەلدەگى جانارماي قۇنىن ءجيى سالىستىراتىنىن ايتتى. مىسالى، ولاردى قازاقستانداعى باعانىڭ ءوز ەلدەرىنە قاراعاندا ايتارلىقتاي تومەن ەكەندىگىن العا تارتادى. نەگىزگى سەبەپ - قازاقستاننىڭ ءىرى مۇناي رەسۋرستارىنا يە بولۋىندا، وتىندى ءوزى وندىرۋىندە جانە مەملەكەتتىڭ ونىڭ قۇنىن سۋبسيديالاۋىندا. باسقاشا ايتقاندا، بيلىك بۇنى قارجىلاندىرىپ، باعانى جاساندى تۇردە تومەن دەڭگەيدە ۇستاپ وتىر، - دەپ اتاپ ءوتتى ول.

ونىڭ ايتۋىنشا، ەگەر قىرعىزستاننىڭ ءىرى مۇناي قورى بولسا، ولار دا حالىققا جانارمايدى ارزانىراق ساتا الار ەدى. سوندىقتان وزىمىزدە جوق رەسۋرستار ءۇشىن ءتيىستى باعانى تولەۋگە تۋرا كەلەدى، - دەپ جاۋاپ بەردى ول وتانداستارىنىڭ ءجيى قوياتىن سۇراعىنا.

ورۋنبەكوۆتىڭ جازباسىنان بەلگىلى بولعانداي، تاياۋ شىعىستاعى اسكەري قاقتىعىسقا دەيىن ەل رەسەيدەن اي-92 ماركالى بەنزينىنىڭ تونناسىن شامامەن 650 دوللاردان ساتىپ السا، قازىر ونىڭ ورتاشا باعاسى 950 دوللارعا جەتكەن. ديزەل وتىنىنا قاتىستى جاعداي دا وسىعان ۇقساس. «ەگەر بۇرىن ديزەل وتىنىنىڭ تونناسى 700 دوللار شاماسىندا بولسا، قازىر باعا 1200 دوللاردان استى»، - دەدى ول.