قىرعىز ازاماتى ۋكراينادا سوعىسقا قاتىسقانى ءۇشىن 5 جىلعا سوتتالدى

27 جاستاعى قىرعىزستان ازاماتى ۋكرايناداعى سوعىسقا قاتىسقانى ءۇشىن بەس جىلعا باس بوستاندىعىنان ايىرىلدى. Kazinform بۇل تۋرالى Deusche Welle باسىلىمىنا سىلتەمە جاساپ حابارلايدى.

قىرعىزستانداعى نارىن وبلىستىق سوتى 7- جەلتوقسان كۇنى قىرعىزستان ازاماتى بەكنازار بورۋگۋلدى «ۆاگنەر» ج ءا ك قۇرامىندا ۋكرايناداعى سوعىسقا قاتىسقانى ءۇشىن باس بوستاندىعىنان ايىرۋ جونىندە ۇكىم شىعارىپ، شەشىم 4-قاڭتاردا عانا حابارلاندى.

نارىن وبلىسىنىڭ 27 جاستاعى تۇرعىنى 2023 -جىلعى تامىزدا ەلگە ورالعاننان كەيىن ءۇش اپتادان سوڭ ۇستالدى.

ەلدىڭ ۇلتتىق قاۋىپسىزدىك مەملەكەتتىك كوميتەتىنىڭ حابارلاۋىنشا، ەر ادامعا قاتىستى سوت ءىسى «ق ر ازاماتىنىڭ شەت ەل اۋماعىندا قارۋلى قاقتىعىستارعا نەمەسە سوعىس قيمىلدارىنا قاتىسۋى نەمەسە لاڭكەستىك ارەكەت جاساۋ ءۇشىن دايىندىقتان ءوتۋى» بابى بويىنشا جۇرگىزىلىپ جاتىر.

تەرگەۋ دەرەكتەرى بويىنشا قىرعىز ازاماتى رەسەي تۇرمەسىندە جازاسىن وتەپ جۇرگەن ۋاقىتتا قاماۋداعىلاردى جاپپاي جيناۋ كەزىندە، 2022 -جىلعى 1-قاراشادا جەكە اسكەري ناۋقاننىڭ مۇشەسى اتانعان.

ول «ۆاگنەر» جء ا ك مەدالدارىمەن، ونىڭ ىشىندە باحمۋتتى العانى ءۇشىن جانە ر ف مەملەكەتتىك ماراپاتى - «ەرجۇرەكتىگى ءۇشىن» مەدالىمەن ماراپاتتالعان.

بۇل ۋكرايناداعى سوعىس قيمىلدارىنا قاتىسقانى ءۇشىن قىرعىزستاندا قوزعالىپ وتىرعان ەكىنشى قىلمىستىق ءىس.

2023 -جىلعى مامىردا 31 جاستاعى اسقار كۋبانىچبەك ۋۋلى 10 جىلعا باس بوستاندىعىنان ايىرىلعان بولاتىن، ءبىراق جوعارعى سوت ءىستى قايتا قاراۋ ءۇشىن اۋداندىق سوتقا جىبەردى.

اۆتور

بالنۇر قوجاگەلدى