قوسىمشا قۇن سالىعى شەگىن نەلىكتەن كوتەرۋ قاجەت - سەرىك جۇمانعارين ءتۇسىندىردى
استانا. KAZINFORM - قازاقستاندا قوسىلعان قۇن سالىعى شەگىن 15 ميلليون تەڭگەگە دەيىن تومەندەتۋ ۇسىنىلدى. بۇل شارا شاعىن جانە ورتا بيزنەسكە ايتارلىقتاي اسەر ەتپەيتىنى ايتىلدى.

ق ر پرەمەر-ءمينيسترىنىڭ ءبىرىنشى ورىنباسارى سەرىك جۇمانعارين ۇكىمەتتىڭ كەڭەيتىلگەن وتىرىسىندا نەلىكتەن ق ق س شەگىن كوتەرۋ قاجەتتىگىن ءتۇسىندىردى.
قازىرگى ۋاقىتتا پارلامەنتتە جاڭا سالىق كودەكسىنىڭ جوباسى تالقىلانىپ جاتىر. وعان سالىقتىق جەڭىلدىكتەردى قىسقارتۋ، ەكىنشى دەڭگەيلى بانكتەرگە، ويىن بيزنەسىنە، ءسان-سالتانات بۇيىمدارىنا سالىقتى ارتتىرۋ سياقتى ءبىرقاتار شارا قاراستىرىلعان.
الايدا س. جۇمانعارين بۇل شارالاردى ساپالى ەكونوميكالىق ءوسىم ماسەلەلەرىن تولىق شەشۋگە جەتكىلىكسىز دەپ وتىر.
- بىزدە دامۋ بيۋدجەتى جەتكىلىكسىز دەڭگەيدە، بۇل سالىقتاردىڭ از جينالۋىمەن بايلانىستى. شوعىرلاندىرىلعان بيۋدجەتتىڭ سالىق تۇسىمدەرىنىڭ ج ءى ءو-گە قاتىستى ۇلەسى %20 دى قۇرايدى، ال رەسپۋبليكالىق بيۋدجەتتىڭ سالىق تۇسىمدەرىنىڭ ءج ءى ءو-گە قاتىناسى ءتىپتى از - %10,8. بۇل كورسەتكىش دامىعان ەلدەردە %40 دان اسادى، - دەپ اتاپ ءوتتى ۇكىمەت باسشىسىنىڭ ورىنباسارى.
نەگىزگى سالىقتاردىڭ ءبىرى - قوسىلعان قۇن سالىعى (ق ق س). جالپى جينالعان سالىقتار قۇرىلىمىندا ق ق س-تىڭ ۇلەسى %24 دان اسادى.
- الايدا، ق ق س- تىڭ ءمانى بۇرمالانىپ وتىر، بۇل بۇرىنعى جىلدارى جۇرگىزىلگەن سالىق رەفورمالارىنىڭ سالدارى. 1995 -جىلدان 2009 -جىلعا دەيىن ق ق س مولشەرلەمەسى %20 دان %12 عا دەيىن، ال ك ت س (كورپوراتيۆتىك تابىس سالىعى) %30 دان %20 عا دەيىن تومەندەتىلدى. بۇل شارالار سالىق جانە ينۆەستيتسيا كليماتىن جاقسارتۋ، ەلدە كاسىپورىندار مەن ينۆەستيتسيالاردى كوبەيتۋدى ماقسات ەتتى. ءبىر ۋاقىتتا كوپتەگەن سالىقتىق جەڭىلدىكتەر بەرىلىپ، جالپى سالىق جۇيەسى ليبەرالداندى، ال سالىقتاردىڭ جينالۋى ازايدى. سالىقتى وڭتايلاندىرۋعا مۇمكىندىك بەرەتىن زاڭدى جولدار پايدا بولدى، بيزنەس ۇساقتالىپ كەتتى. ال ق ق س ءىس جۇزىندە %12 دىق بولشەك سالىققا اينالدى، - دەپ ءتۇسىندىردى سپيكەر.
بۇگىندە ەلىمىزدە تىركەلگەن 2 ميلليون 300 مىڭنان استام سالىق تولەۋشىنىڭ 137,7 مىڭى عانا ق ق س تولەيدى، بۇل جالپى سانىنىڭ %6 ى عانا. ولاردىڭ ىشىندە ناقتى ق ق س تولەيتىندەر 88 مىڭ نەمەسە بارلىق سالىق تولەۋشىلەردىڭ %4 ى عانا.
- نەگىزگى سەبەپتەردىڭ ءبىرى - ق ق س بويىنشا تىركەۋ شەگىنىڭ جوعارى بولۋى (78 ميلليون تەڭگە). سوندىقتان، ءبىرىنشى كەزەكتە، ءبىز ق ق س شەگىن 15 ميلليون تەڭگەگە دەيىن تومەندەتۋدى ۇسىنامىز. قازىرگى تاڭدا وسى شەكتەردە ش و ب-تىڭ %80 ى جۇمىس ىستەيدى، سوندىقتان بۇل شارا ولاردىڭ كوپشىلىگىنە ايتارلىقتاي اسەر ەتپەيدى. ە ى د ۇ ەلدەرىندە ق ق س تىركەۋ شەگى بۇدان دا تومەن، ال كەيبىر جەتەكشى ەكونوميكالاردا ءول تىپتى نولگە تەڭ. وسىلايشا، ق ق س قايتادان ەسەپتەۋگە ارنالعان سالىققا اينالادى، - دەدى سەرىك جۇمانعارين.
ايتا كەتەيىك، استانادا پرەزيدەنت قاسىم-جومارت توقايەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى ءوتىپ جاتىر. وندا ەلىمىزدىڭ 2024 -جىلعى الەۋمەتتىك- ەكونوميكالىق دامۋىنىڭ قورىتىندىلارى شىعارىلىپ، ۇكىمەتتىڭ الداعى كەزەڭگە ارنالعان نەگىزگى مىندەتتەرى بەلگىلەنەدى.
بۇعان دەيىن Kazinform اگەنتتىگى ۇكىمەتتىڭ بىلتىرعى كەڭەيتىلگەن وتىرىسىندا بەرىلگەن تاپسىرمالار قانشالىقتى ورىندالعانىن تالداپ كورگەن ەدى.
اۆتور
ايجان سەرىكجان قىزى