قوستاناي وبلىسىندا 28 ەلدى مەكەن جارىقسىز قالدى
استانا. KAZINFORM - قوستاناي وبلىسىندا 28 ەلدى مەكەن جارىقسىز قالدى. بۇل تۋرالى قوستاناي وبلىسى اكىمىنىڭ ورىنباسارى ارمان ابەنوۆ ايتتى.
«سۋ تاسقىنىنان زارداپ شەككەندەردىڭ بارلىعىنا كومەك كورسەتۋ جونىندەگى جۇمىس جالعاستىرىلىپ جاتىر. ءبىرجولعى الەۋمەتتىك تولەمدەر باستالدى. سونداي- اق دەمەۋشىلىك جانە گۋمانيتارلىق كومەك كورسەتىلۋدە. بۇگىنگى تاڭدا 50 ايلىق ەسەپتىك كورسەتكىش مولشەرىندەگى الەۋمەتتىك كومەك 587 وتباسىنا 107,3 ميلليون تەڭگە سوماسىندا تولەندى»، - دەدى ول ورتالىق كوممۋنيكاتسيالار قىزمەتىندەگى بريفينگتە.
ونىڭ دەرەگىنشە، اپاتتىق اجىراتىلۋى سەبەپتى 28 ەلدى مەكەن ەلەكترمەن جابدىقتاۋسىز قالىپ وتىر. بۇگىنگى كۇندە ەلەكتر باعاندارى سۋدا قالعان. بۇل ولاردى قالپىنا كەلتىرۋ جۇمىستارىن قيىنداتۋدا. سۋ كەتكەننەن كەيىن جۇمىس جالعاستىرىلاتىن بولادى.
«سۋ تاسقىنى كەزىندە 24 اۆتوجولدا قوزعالىس شەكتەلدى، ال 9 جولداعى قوزعالىس قازىردىڭ وزىندە قالپىنا كەلتىرىلدى. قالعاندارى بويىنشا جۇمىستار جالعاستىرىلۋدا. ارنايى قۇرىلعان كوميسسيالار كەلتىرىلگەن زالالدى باعالاۋ بويىنشا جۇمىس ىستەپ جاتىر. وسى باعالاۋ قورىتىندىسى بويىنشا بارلىق زارداپ شەككەندەرگە زالال تولىق وتەلەدى»، - دەدى ارمان ابەنوۆ.
اۆتور
مارلان جيەمباي
