مينيستر: «7-20-25» باعدارلاماسىمەن بەس مىڭ يپوتەكا زايمى بەرىلەدى

استانا. KAZINFORM - ونەركاسىپ جانە قۇرىلىس ءمينيسترى قانات شارلاپايەۆ تۇرعىن ءۇي زايمدارىنا كوزدەلگەن قاراجاتقا قاتىستى تۇسىنىك بەردى.

«جىلدىق 2 جانە %5 مولشەردەگى جەڭىلدىكپەن تۇرعىن ءۇي يپوتەكاسىنا 7 مىڭعا جۋىق زايم بەرۋگە 81 ميلليارد تەڭگە ءبولىندى. ال «وتاۋ» يپوتەكالىق باعدارلاماسى بويىنشا %9  بەن 150 ميلليارد تەڭگە سوماسىنا 8 مىڭ قارىز بەرۋ كوزدەلىپ وتىر»، - دەدى قانات شارلاپايەۆ ۇكىمەت وتىرىسىنان كەيىن وتكەن باسپا ءسوز ءماسليحاتىندا ساۋالعا جاۋاپ بەرە وتىرىپ.

سونداي-اق، مينيستر «7-20-25» تۇرعىن ءۇي باعدارلاماسى بويىنشا 100 ميلليارد تەڭگە سوماسىنا 5 مىڭعا جۋىق زايم بەرىلەتىنىن ايتتى.

«وسىلايشا بيىل تۇرعىن ءۇي قۇرىلىسىن دامىتۋعا 1 ترلن تەڭگەدەن استام قاراجات جۇمسالدى. بۇل 64 مىڭ ازاماتتىڭ باسپانا ماسەلەسىن شەشۋگە مۇمكىندىك بەرەدى»، - دەپ تولىقتىردى ۆەدومستۆو باسشىسى.

بۇعان دەيىن ق. شارلاپايەۆ مامىردا جاڭا يپوتەكالىق تۇرعىن ءۇي باعدارلاماسىنىڭ ىسكە قوسىلاتىنىن ايتتى.

اۆتور
داۋلەت ىزتىلەۋ