قۇرىلتايدىڭ جاڭا دەپۋتاتتارى انت بەرىپ جاتىر

ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ ق ر كونستيتۋتسياسىنىڭ 54-بابىنا سايكەس، قۇرىلتاي دەپۋتاتتارى انت بەرەتىنىن ەسكە سالدى.

- قازاقستان حالقىنا ادال قىزمەت ەتۋگە، قازاقستان رەسپۋبليكاسىنىڭ تۇتاستىعى مەن تاۋەلسىزدىگىن نىعايتۋعا، ونىڭ كونستيتۋتسياسى مەن زاڭدارىنا قاتاڭ باعىنۋعا، دەپۋتاتتىڭ وزىمە جۇكتەلگەن مارتەبەلى مىندەتتەرىن ادال اتقارۋعا انت ەتەمىن، - دەپ جازىلعان انت ماتىنىندە.

ەسكە سالايىق، 23-تامىزدا ءبىر پالاتالى قۇرىلتاي دەپۋتاتتارىن سايلاۋ ءوتتى.

سايلاۋ زاڭناماسىنىڭ تالاپتارىنا سايكەس سايلاۋشىلاردىڭ 5 جانە ودان دا كوپ پايىز داۋىسىن جيناعان بەس ساياسي پارتيا اراسىندا دەپۋتاتتىق مانداتتار ايقىندالدى. وسىعان بايلانىستى ق ر قۇرىلتايى دەپۋتاتتارىنىڭ 145 مانداتى تومەندەگىدەي ءبولىندى:

«ادىلەت» پارتياسى - 110 ماندات؛

جالپى ۇلتتىق سوتسيال- دەموكراتيالىق پارتيا - 8 ماندات؛

«اۋىل» پارتياسى - 10 ماندات؛

«اق جول» قازاقستاننىڭ دەموكراتيالىق پارتياسى - 8 ماندات؛

«Respublica» پارتياسى - 9 ماندات.

بۇعان دەيىن قاسىم-جومارت توقايەۆ قۇرىلتايدىڭ العاشقى قۇرامىنا ايرىقشا جاۋاپكەرشىلىك جۇكتەلەتىنىن ايتقان ەدى.

پرەزيدەنت ق ر قۇرىلتايىنىڭ ءتوراعاسى لاۋازىمىنا ايبەك دادەبايدى ۇسىندى.