قۇرىلتاي سايلاۋىندا جەتى پارتيادان 546 كانديدات باق سىنايدى

قۇرىلتاي دەپۋتاتتىعىنا كانديداتتاردى ۇسىنۋ 2026-جىلعى 13-شىلدە ساعات 18:00 دە اياقتالدى. بۇل تۋرالى ورتالىق سايلاۋ كوميسسياسىنىڭ حاتشىسى شاۆحات وتەمىسوۆ مالىمدەدى.

ونىڭ ايتۋىنشا، و س ك- عا جەتى ساياسي پارتيانىڭ پارتيالىق تىزىمدەرى ۇسىنىلعان. اتاپ ايتقاندا:

- «اق جول» دەموكراتيالىق پارتياسى - 63 كانديدات؛

«اۋىل» پارتياسى - 69 كانديدات؛

- «ادىلەت» ساياسي پارتياسى - 186 كانديدات؛

- «بايتاق» جاسىلدار پارتياسى - 47 كانديدات؛

- قازاقستان حالىق پارتياسى - 72 كانديدات؛

- جالپىۇلتتىق سوتسيال- دەموكراتيالىق پارتياسى - 33 كانديدات؛

- Respublica پارتياسى - 76 كانديدات.

وسىلايشا، پارتيالىق تىزىمدەرگە بارلىعى 546 كانديدات ەنگىزىلدى.

- قازىر بارلىق پارتيا ۇسىنعان قۇجاتتار كانديداتتاردىڭ كونستيتۋتسيا مەن «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭدا بەلگىلەنگەن تالاپتارعا سايكەستىگىن تەكسەرۋ ءۇشىن ۋاكىلەتتى مەملەكەتتىك ورگاندارعا جىبەرىلدى. ساياسي پارتيالار ۇسىنعان پارتيالىق تىزىمدەردى تىركەۋ 2026-جىلعى 23-شىلدە ساعات 18:00 دە اياقتالادى، - دەدى و س ك حاتشىسى.

ايتا كەتەيىك، بۇعان دەيىن قۇرىلتاي دەپۋتاتتارىن سايلاۋ ناۋقانىندا باق پەن ونلاين-پلاتفورمالارعا قويىلاتىن تالاپتار جاريالانعان ەدى.