قۇرىلتاي سايلاۋىن وتكىزۋگە قارجى قايدان بولىنەدى – و س ك جاۋاپ بەردى

- قۇرىلتاي دەپۋتاتتارىنىڭ سايلاۋىن قارجىلاندىرۋ رەسپۋبليكالىق بيۋجەت قاراجاتى ەسەبىنەن جەرگىلىكتى اتقارۋشى ورگانداردىڭ شوتتارى ارقىلى جۇزەگە اسىرىلادى. بۇل زاڭدا كورسەتىلگەن. الايدا 2026-جىلدىڭ بيۋجەتىندە سايلاۋ وتكىزۋ شىعىندارى قاراستىرىلماعاندىقتان، قاراجات ۇكىمەت رەزەرۆىنەن بولىنەدى، - دەدى ميحايل بورتنيك و س ك وتىرىسىندا.

ونىڭ ايتۋىنشا، قازىرگى ۋاقىتتا شىعىستار سمەتاسى ازىرلەنىپ جاتىر، سوندىقتان ناقتى سومانى اتاۋعا ءالى ەرتە.

- جالپى سمەتانىڭ شامامەن 75 پايىزى 71 مىڭ سايلاۋ كوميسسياسى مۇشەسىنىڭ ەڭبەكاقىسىن تولەۋگە جۇمسالادى. بۇل كورسەتكىش وتكەن رەفەرەندۋم كەزىندەگى شىعىندارمەن شامالاس، - دەدى و س ك مۇشەسى.

سونداي-اق سايلاۋ بيۋللەتەندەرىن، اقپاراتتىق پلاكاتتاردى جانە سايلاۋ ۋچاسكەلەرىندە ورنالاستىرىلاتىن پارتيالار تۋرالى ماتەريالداردى باسىپ شىعارۋعا قارجى قاراستىرىلعانى ايتىلدى.

بۇدان بولەك، سايلاۋ ناۋقانىن اقپاراتتىق سۇيەمەلدەۋگە ارنالعان بەينەروليكتەر مەن ب ا ق- تاعى اكسيالارعا، سايلاۋ كوميسسيالارىن ماتەريالدىق-تەحنيكالىق قامتاماسىز ەتۋگە، ءىس-ساپار، كولىك جانە بايلانىس قىزمەتتەرىنە دە قاراجات بولىنەدى.

- بۇل باعىتتارعا سايلاۋ ناۋقانى بيۋجەتىنىڭ شامامەن 25 پايىزى جۇمسالادى. ناقتى قارجى كولەمى تۋرالى كەيىنىرەك ايتا الامىز، - دەدى ميحايل بورتنيك.

ايتا كەتەيىك، نۇرلان ءابدىروۆ قۇرىلتاي سايلاۋىنا بەلسەندى قاتىسۋعا شاقىردى.