قازاقستاندىق اتا-انالار بالالارىنىڭ گادجەتتەرىن قالاي باقىلايدى

قازاقستاندىق قوعامدىق دامۋ ينستيتۋتى جۇرگىزگەن زەرتتەۋ ناتيجەسىنە سايكەس، ساۋالناماعا جاۋاپ بەرگەندەردىڭ %43- ى بالالار قۇرىلعىلارىن باقىلاۋعا مۇمكىندىك بەرەتىن ءتۇرلى باعدارلامالاردى قولداناتىنىن مالىمدەگەن.

ال رەسپوندەنتتەردىڭ %14,8- ى بالانىڭ ورنالاسقان جەرىن باقىلاۋعا ارنالعان ارنايى قۇرىلعىلار پايدالاناتىنىن كورسەتكەن.

سونىمەن قاتار اتا- انالاردىڭ %10,3- ى مۇنداي باقىلاۋدى بالانىڭ جەكە كەڭىستىگىنە ارالاسۋ دەپ سانايتىنىن ايتىپ، بۇل ارەكەتتى قۇپتامايتىنىن جەتكىزگەن.

تاعى %10- ى بالالار گادجەتتەرىن باقىلاۋعا ۋاقىت تاپپايتىنىن مالىمدەگەن.

زەرتتەۋ بارىسىندا رەسپوندەنتتەردىڭ باسىم بولىگى - %58,9- ى بالالاردىڭ ەكران ۋاقىتىن باقىلاۋعا قاتىستى سۇراققا جاۋاپ بەرۋدەن باس تارتقان.

ساراپشىلاردىڭ پىكىرىنشە، زەرتتەۋ ناتيجەلەرى بالالاردىڭ تسيفرلىق قاۋىپسىزدىگى مەن اتا-انالىق باقىلاۋ ماسەلەسى قازاقستان وتباسىلارى ءۇشىن وزەكتى تاقىرىپتاردىڭ بىرىنە اينالعانىن كورسەتەدى.

ايتا كەتەيىك، شۆەسيا مەكتەپتەرى گادجەتتەردەن گورى كىتاپقا باسىمدىق بەرەدى.