قازاقستاننىڭ قاي وڭىرلەرىندە مۇعالىم جەتىسپەيدى

استانا. KAZINFORM - ق ر وقۋ-اعارتۋ مينيسترىلىگى ەلىمىزدەگى پەداگوگ تاپشىلىعىنا قاتىستى تۇسىنىك بەردى.

«قازىرگى كەزدە ورتا ءبىلىم بەرۋ ۇيىمدارىندا مۇعالىمدەرگە قاجەتتىلىك 3000-عا جۋىق ادامدى قۇرادى. قاراعاندى، اتىراۋ، الماتى، اقمولا، قوستاناي، پاۆلودار، ۇلىتاۋ، جامبىل، جەتىسۋ، شىعىس قازاقستان وبلىستارى، سونداي-اق استانا جانە الماتى قالارىندا پەداگوگ تاپشىلىعى بار»، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.

ۆەدومستۆو مالىمەتىنە قاراعاندا، بيىل ج و و- لاردى پەداگوگيكالىق ماماندىقتار بويىنشا ءتامامداعان تۇلەكتەر سانى 48886 ادامدى (ونىڭ ىشىندە وبلىس اكىمدەرىنىڭ گرانتى بويىنشا 1512 تۇلەك)، ال تەحنيكالىق جانە كاسىپتىك ءبىلىم بەرۋ ۇيىمدارىن بىتىرگەندەر 20081 ادامدى قۇرادى.

«جالپى، قالىپتاسقان سۇرانىستى جوعارى وقۋ ورىندار مەن تەحنيكالىق جانە كاسىپتىك ءبىلىم بەرۋ ۇيىمدارى تۇلەكتەرىن جۇمىسقا ورنالاستىرۋ ەسەبىنەن جابۋ جوسپارلانعان»، - دەپ اتالىپ وتكەن وقۋ-اعارتۋ مينيسترىلىگى اقپاراتىندا.

ايتا كەتەيىك، بيىل تامىز ايىنىڭ اياعىندا قازاقستان مەكتەپتەرىندە 398854 پەداگوگ جۇمىس ىستەپ جاتقانى حابارلاندى.

بۇعان دەيىن تۇلەكتەر ءجيى تاڭدايتىن ماماندىق - مۇعالىم ەكەنىن جازعان بولاتىنبىز.

اۆتور

رۋسلان عابباسوۆ