قازاقستاننىڭ قاي جولدارىندا جول اپاتى ءجيى بولادى

استانا. KAZINFORM - ىشكى ىستەر ءمينيسترى ەرجان سادەنوۆ ۇكىمەت وتىرىسىندا جول اپاتى كوپ بولاتىن جولداردى اتادى.

«قازىر رەسپۋبليكالىق جولداردىڭ تەك %3 عانا قاۋىپسىزدىك تالاپتارىنا سايكەس كەلەدى (95 مىڭ ك م- ءدىڭ 3 مىڭى). وسىنداي جولداردى جوندەگەن سوڭ ادام شىعىنى بىرنەشەگە ازايدى»، - دەدى مينيستر.

ايتۋىنشا، كەيىنگى 10 جىلدىڭ ىشىندە «استانا -ۋچينسك» جولىندا كولىك اپاتىنىڭ سانى - 75-تەن 12-گە دەيىن، «استانا - تەمىرتاۋ» جولىندا 30-دان 18-گە دەيىن كەمىگەن.

«قالا سىرتىنداعى جولدار ۇلكەن قاۋىپ توندىرۋدە. ولاردىڭ قازىرگى جاعدايى اۋىر اپاتتارعا اكەپ سوعۋدا. بۇل جۇيەلى پروبلەما. ونى جول قاۋىپسىزدىگى اۋديتى كەزىندە انىقتادىق. بيىل اكىمدەر مەن جول جوندەۋگە جاۋاپتى مەكەمەلەرگە 24 مىڭنان استام نۇسقاما جولداندى. 3,5 مىڭ لاۋازىمدى تۇلعا جازالاندى. مىندەتتەرىن ورىنداماعانى ءۇشىن جىل سايىن 15-كە جۋىق قىلمىستىق ءىس تەرگەلەدى. سوندا دا اپاتتار سانى ازايماي تۇر. ۇلىتاۋ، جەتىسۋ، سولتۇستىك قازاقستان، اقتوبە، الماتى، قاراعاندى وبلىستارىنىڭ تراسسالارىندا ادام ءولىمىنىڭ دەڭگەيى جوعارى»، - دەدى ە. سادەنوۆ.

اۆتور

ەسىمجان ناقتىباي