قازاقستاننىڭ بارلىق جولىندا اۆتوماتتاندىرىلعان ولشەۋ ستانسيالارى ورناتىلادى

استانا. KAZINFORM - قازاقستاننىڭ بارلىق وڭىرىندە ءارتۇرلى ساناتتاعى اۆتوموبيل جولدارىنداعى قاۋىپسىزدىكتى ارتتىرۋ ءۇشىن زاماناۋي اۆتوماتتاندىرىلعان ولشەۋ ستانسيالارى (ا و س) ورناتىلادى، دەپ حابارلايدى Egemen.kz.

ايتا كەتەيىك، بۇعان دەيىن ق ر جوعارى اۋديتورلىق پالاتاسىنىڭ تاپسىرماسى بويىنشا قولدانىستاعى ا و س- عا ءتيىستى تالداۋ جۇرگىزىلگەن ەدى.

ا و س - بۇل فوتو جانە بەينەتۇسىرىلىمدى جۇزەگە اسىراتىن، كولىك قۇرالدارىنىڭ ءتۇرىن، ماركاسىن، مەملەكەتتىك تىركەۋ بەلگىسىن، سالماقتىق جانە گاباريتتىك پارامەترلەرىن، سونداي-اق وستىك جۇكتەمەلەرى مەن جىلدامدىعىن تىركەيتىن ارناۋلى باقىلاۋ-ولشەۋ تەحنيكالىق قۇرالى.

«تالداۋ ناتيجەسىندە بۇگىندە جالپىعا ورتاق پايدالانىلاتىن جولداردا Kistler (شۆەيتساريا)، UNDS (وڭتۇستىك كورەيا) جانە تەنزو- م (رەسەي) اۆتوماتتاندىرىلعان ولشەۋ ستانتسيالارى ورناتىلعانى انىقتالدى. بۇدان باسقا، استانانىڭ كىرمە جولدارىندا Іntercomp (ا ق ش) وندىرگەن تەنزومەتريالىق داتچيكتەرى بار 7 زاماناۋي ا و س ورنالاستىرىلعان. جۇرگىزىلگەن تالداۋ نەگىزىندە تەحنيكالىق قۇرالدى رەسپۋبليكانىڭ باسقا وڭىرلەرىنە ودان ءارى تاراتۋ جوسپارلانعان. كولىك مينيسترلىگى اكىمدىكتەرمەن جانە «قازاۆتوجول» ۇ ك» ا ق- مەن بىرلەسىپ 220 قوسىمشا ا و س ورناتۋ ءۇشىن جەكە ينۆەستورلاردى تارتۋ ماسەلەسىن پىسىقتاۋدا: حالىقارالىق جانە رەسپۋبليكالىق ماڭىزى بار اۆتوجولداردا - 70، وبلىستىق، اۋداندىق ماڭىزى بار جولداردا جانە قالالاردىڭ كوشەلەرىندە - 150»، دەپ حابارلادى جوعارى اۋديتورلىق پالاتاسىنىڭ باسپا ءسوز قىزمەتى.

بۇل سالماق جانە جىلدامدىق رەجيمدەرىنىڭ بۇزىلۋىن جەدەل انىقتاۋعا، جول قوزعالىسىنا ساپالى مونيتورينگ جۇرگىزۋگە جانە جالپى اۆتوجولدارداعى قاۋىپسىزدىكتى ارتتىرۋعا مۇمكىندىك بەرەتىنى اتاپ ءوتىلدى.

بۇعان دەيىن استانادا جولداردىڭ بۇزىلۋىن بولدىرماۋعا ارنالعان اۆتوكولىكتى ولشەۋدىڭ اۆتوماتتاندىرىلعان جۇيەسى رەسمي تۇردە ىسكە قوسىلعانىن حابارلاعان ەدىك.