قازاقستاندىق وقۋشىلار حيميا وليمپياداسىنان ەكى التىن، كۇمىس جانە قولا مەدال جەڭىپ الدى
استانا. KAZINFORM - ساۋد ارابياسىندا IChO-2024 حيميادان 56- حالىقارالىق وليمپيادا ءوز مارەسىنە جەتتى. ءبىزدىڭ بارلىق وقۋشىمىز جۇلدەلى ورىن يەلەندى، ونىڭ ەكەۋى - ەڭ جوعارعى ماراپات، دەپ حابارلايدى وقۋ-اعارتۋ مينيسترلىگى «دارىن» ورتالىعىنا سىلتەمە جاساپ.
International Chemistry Olympiad دۇنيەجۇزىلىك ەڭ بەدەلدى توپ-7 وليمپيادانىڭ قاتارىنا كىرەدى.
ءبىزدىڭ قۇراما ءۇشىنشى جىل قاتارىنان جوعارى ناتيجە كورسەتىپ كەلەدى.
بيىل جاس حيميكتەر قوس التىن، ءبىر كۇمىس جانە ءبىر قولا مەدال يەلەنىپ، %100 ناتيجە كورسەتتى.
رينات يليۋسيزوۆ - پاۆلودار قالاسىنىڭ دارىندى بالالارعا ارنالعان № 8 ليتسەي-مەكتەبىنىڭ 11-سىنىپ وقۋشىسى؛
كيريلل كيم - استانا قالاسىنداعى فيزيكا-ماتەماتيكا باعىتىنداعى ن ز م 11-سىنىپ وقۋشىسى؛
ابىلاي كابدۋلحادىر - استانا قالاسىنداعى فيزيكا-ماتەماتيكا باعىتىنداعى ن ز م 11-سىنىپ وقۋشىسى؛
ءادىلجان مولداعۇل -اقتاۋ قالاسى، «ءبىلىم- يننوۆاتسيا» ليتسەي-ينتەرناتىنىڭ 11-سىنىپ وقۋشىسى.
قازاقستان قۇراما كومانداسىنىڭ جەتەكشىلەرى: ازامات جاقسىلىقوۆ جانە سانجار بەگدايىر - رەسپۋبليكالىق، حالىقارالىق وليمپيادالاردىڭ بىرنەشە دۇركىن جەڭىمپازدارى.
ايتا كەتسەك، ق ر وقۋ-اعارتۋ مينيسترلىگىنىڭ قولداۋىمەن قۇراما كوماندا مۇشەلەرى بىرنەشە رەسپۋبليكالىق جانە حالىقارالىق وقۋ-جاتتىعۋ جيىندارىنا قاتىسىپ، 2024 -جىلعى ەۋروپا جانە دۇنيەجۇزىلىك وليمپيادالاردا %100 ناتيجە كورسەتە ءبىلدى.
حالىقارالىق ءىرى وليمپيادالاردا جەڭىسكە جەتكەن وقۋشىلارعا ەلىمىزدىڭ جوعارى وقۋ ورىندارىنا كونكۋرستان تىس گرانتپەن وقۋعا تۇسۋگە مۇمكىندىك بەرىلەدى.
