قازاقستاندىق تورەشى ماۋسىم سوڭىنا دەيىن فۋتبولدان شەتتەتىلدى

استانا. قازاقپارات - 17-ماۋسىم كۇنى ق ف ف- نىڭ تورەشىلىك-ساراپتامالىق كوميسسياسى مەن تورەشىلەر كوميتەتىنىڭ ونلاين جيىنى ءوتتى.

ق ف ف باسپا ءسوز قىزمەتىنىڭ مالىمەتىنشە، تورەشىلىك-ساراپتامالىق كوميسسيا QFL پرەمەر-ليگاسىنىڭ 2024 -جىلعى ماۋسىمىنىڭ 11-تۋرىنداعى «استانا» مەن «ورداباسى» كوماندالارى اراسىندا تىركەلگەن داۋلى ەپيزودتى تالقىلادى. سونداي-اق اتالعان كوميسسيا بەينەماتەريالدارعا سۇيەنە وتىرىپ، ءبىراۋىزدان كەلەسى شەشىمدى قابىلدادى:

- تورەشى ارتەم كۋچيننىڭ ماتچتىڭ 34-مينۋتىندا قارسىلاسىن ارقاسىنان يتەرىپ جىبەرگەنى ءۇشىن «ورداباسى» كومانداسىنىڭ قاقپاسىنا پەنالتي بەلگىلەمەۋ تۋرالى شەشىمى قاتە دەپ تانىلسىن.

تورەشىلەر كوميتەتىنىڭ وتىرىسىندا ءبىر ماۋسىمدا ءبىر كومانداعا قارسى جىبەرىلگەن ەكى شەشۋشى قاتەلىكتەن كەيىن پرەمەر- ليگانىڭ تورەشىسى ارتەم كۋچيندى (قاراعاندى) جىلدىڭ سوڭىنا دەيىن قفف وتكىزەتىن بارلىق دەڭگەيدەگى ماتچتان شەتتەتۋ تۋرالى شەشىم قابىلداندى.

اۆتور

ابىلايحان جۇماشيەۆ