قازاقستاندىق IT جوبا الەمدەگى ۇزدىك 5 باستامانىڭ قاتارىنا ەندى
استانا. KAZINFORM - قازاقستاندىق IT جوبا WSIS Prizes 2025 نۇسقاسى بويىنشا الەمدەگى ۇزدىك 5 باستامانىڭ قاتارىنا ەندى.
قازاقستاننان «احۋالدىق-تالدامالىق كەشەنى» (ا ت ك) سيفرلىق جوباسى WSIS Prizes 2025 حالىقارالىق بايقاۋىنىڭ «ۇكىمەتتەردىڭ جانە ا ك ت- نى دامىتۋ ءۇشىن ىلگەرىلەتۋدەگى بارلىق مۇددەلى تاراپتىڭ ءرولى» نوميناتسياسىندا فيناليستەردىڭ بەستىگىنە كىردى.
بايقاۋدى جىل سايىن ب ۇ ۇ قولداۋىمەن حالىقارالىق تەلەكوممۋنيكاتسيا وداعى (ITU) وتكىزەدى. بيىل وعان الەمنىڭ تۇكپىر-تۇكپىرىنەن 973 جوبا قاتىستى. ىرىكتەۋدىڭ ءبىرىنشى كەزەڭىنىڭ قورىتىندىسى بويىنشا ءارقايسىسى 20 دان 18 نوميناتسيا بويىنشا 360 جوبا ىرىكتەلدى. مارەدە ءار نوميناتسيا بويىنشا 5 جوبا. قازاقستانمەن بىرگە وزبەكستان، رۋاندا، مەكسيكا جانە بىرىككەن اراب امىرلىكتەرىنىڭ باستامالارى ءوز نوميناتسياسىندا فيناليستىڭ قاتارىنا كىردى.
پرەزيدەنت ءىس باسقارماسىنىڭ ينجەنەرلىك-تەحنيكالىق ورتالىعى ازىرلەگەن اتك جوباسى - مەملەكەتتىك سەكتورداعى دەرەكتەردى تالداۋعا، مونيتورينگىلەۋگە جانە جەدەل باسقارۋعا ارنالعان يننوۆاتسيالىق تسيفرلىق پلاتفورما. جۇيە ناقتى ۋاقىت رەجيمىندە جۇمىس ىستەيدى. اقپاراتتى جيناۋ، ۆيزۋاليزاتسيالاۋ جانە وڭدەۋدى قامتاماسىز ەتەدى. ستراتەگيالىق شەشىمدەر قابىلداۋعا جانە مەملەكەتتىك ورگاندار قىزمەتىنىڭ نەگىزگى كورسەتكىشتەرىن باقىلاۋدى جۇزەگە اسىرۋعا مۇمكىندىك بەرەدى.
پلاتفورما بۇكىل ەل اۋماعىندا الەۋمەتتىك-ەكونوميكالىق دامۋدىڭ ءتۇرلى باعىتتارى بويىنشا 500 دەن استام ينديكاتوردى قامتيدى. بۇگىندە ا ت ك پرەزيدەنت اكىمشىلىگى مەن پرەزيدەنت ءىس باسقارماسىندا ەنگىزىلىپ، تابىستى ىسكە اسىرىلىپ جاتىر.
- جەڭىمپازداردى فينالدىق ىرىكتەۋدى ITU ساراپشى قازىلار القاسى جۇزەگە اسىرادى. سوڭعى ناتيجەلەر 2025-جىلدىڭ 8-شىلدەسىندە جەنيەۆادا (شۆەيتساريا) اقپاراتتىق قوعام ماسەلەلەرى بويىنشا دۇنيەجۇزىلىك جوعارى دەڭگەيدەگى كەزدەسۋدىڭ 20 جىلدىعىنا ارنالعان WSIS+20 high-Level Event اياسىندا جاريالانادى، - دەلىنگەن حابارلامادا.
WSIS Prizes - حالىقارالىق تەلەكوممۋنيكاتسيا وداعى (ITU) اقپاراتتىق قوعام ماسەلەلەرى بويىنشا دۇنيەجۇزىلىك جوعارى دەڭگەيدەگى كەزدەسۋ (WSIS) اياسىندا قۇرعان حالىقارالىق سىيلىق. ونىڭ ماقساتى - تۇراقتى دامۋ ماقساتتارىنا (ت د م) قول جەتكىزۋ ءۇشىن اقپاراتتىق-كوممۋنيكاتسيالىق تەحنولوگيالاردى (ا ك ت) پايدالاناتىن ۇزدىك الەمدىك تاجىريبەلەردى انىقتاۋ جانە ىلگەرىلەتۋ.
ايتا كەتەلىك، شەتەلگە تانىلعان قازاقستاندىق IT جوبالار تۋرالى جازعان ەدىك.
