قازاقستاندىق 16 جاستاعى فۋتبولشىنى «چەلسي» 4 ميلليون ەۋروعا ساتىپ الادى
الماتى. KAZINFORM - تانىمال سپورت جۋرناليسى فابريتسيو رومانو 16 جاستاعى قازاقستاندىق فۋتبولشى داستان ساتبايەۆتىڭ «چەلسيعا» اۋىسقانىن حابارلادى.

يتالياندىق جۋرناليستىڭ مالىمەتىنشە، «چەلسي» الماتىلىق «قايراتقا» ساتپايەۆ ءۇشىن 4 ميلليون ەۆرو تولەيدى. بۇل وتاندىق ليگا ءۇشىن رەكوردتىق كەلىسىم بولماق.
داستان ساتبايەۆ 2026 -جىلدىڭ تامىز ايىندا 18 جاسقا تولعان سوڭ، «چەلسيدىڭ» قاتارىنا قوسىلادى. ول اعىلشىن كلۋبىمەن 1 جىلعا ۇزارتۋعا مۇمكىندىگى بار 5 جىلدىق كەلىسىمشارتقا وتىرادى.
ايتا كەتكەن ءجون، 2024 -جىلدىڭ مامىر ايىندا ساتبايەۆ «قايرات» كومانداسىندا دەبيۋت جاساعان ەڭ جاس ويىنشى رەتىندە تاريحقا ەندى. وتكەن QJ ليگاسىندا جاس فۋتبولشى 12 ويىندا 19 گول سوعىپ، 7 ناتيجەلى پاس بەردى. سونداي-اق ساتبايەۆ ماۋسىمنىڭ ۇزدىك ويىنشىسى اتاعىن الدى. ال ۋەفا جاسوسپىرىمدەر ليگاسىندا (U19) 16 جاسار فۋتبولشى ءتورت ماتچتا ءبىر گول سوعىپ، ءبىر ناتيجەلى پاس بەردى.
ەسكە سالايىق، بۇعان دەيىن «مانچەستەر سيتي» كلۋبىنا وزبەكستاندىق ورتالىق قورعاۋشىسى ابدۋقودير حۋسانوۆ اۋىسقانىن جازعانبىز.
اۆتور
دوسبول اتاجان