قازاقستانداعى پايدالى قازبالارعا ەڭ باي وبلىس

جەر قويناۋىندا اشىلعان تابيعي پايدالى قازبالاردىڭ ارتۇرلىلىگى بويىنشا ەلىمىزدەگى ەڭ باي ولكە - جامبىل وبلىسى.

بۇل وبلىستا ەلىمىزدەگى فوسفوريت جانە پلاۆيكوشپات شيكىزاتىنىڭ بىرەگەي بازاسى ورنالاسقان. سونىمەن قاتار بۇل ولكە ءتۇستى مەتالدارعا (مىسالى، موليبدەن، التىن، كۇمىس، سەلەن، تەللۋر، قورعاسىن مەن مىرىش جانە ت. ب. )، باريتكە، كومىرگە، قاپتىرما، اشەكەي جانە تەحنيكالىق تاستارعا (گرانيت، امازونيتتى گرانيت، مراموريز، ىزبەستاس، ءمارمار، تەحنيكالىق جانە تۇستى حالسەدون، ابرازيۆتى شيكىزات، گەماتيت- كروۆاۆيك، حلوريت- گرانات) ، قۇرىلىس ماتەريالدارىنا (اسبەست، تالك، سليۋدا، قۇمتاس، سەمەنت جانە كەرامزيتتى شيكىزات، گيپس پەن انگيدريت، جانە ت. ب. ) ، تابيعي گازعا باي.

وبلىس تەرريتورياسىندا مەملەكەتىمىزدەگى بۇكىل فوسفوريتتىڭ - 71,9 پايىزى (ت م د تەرريتورياسىنداعى ەڭ ىرى قورى)، پلاۆيكالىق شپاتتىڭ - 68 پايىزى (پلاۆيكالىق شپاتتىڭ قورى بويىنشا الەمدە جەتەكشى ورىنداردىڭ بىرىنە يە)، كۆارسيتتىڭ - 65,1 پايىزى، التىننىڭ - 8,8 پايىزى، مىستىڭ - 3 پايىزى، ۋراننىڭ 0,7 پايىزى بار. ازىقتىق جانە تەحنيكالىق تۇز قورى 10 ميلليون توننانى قۇرايدى.