قازاقستاندا پويىز بيلەتتەرىنىڭ باعاسى وزگەرەدى

ەلىمىزدە 140 جولاۋشىلار پويىزى بار، تاريفتەردىڭ كوتەرىلۋى سونىڭ 62-سىنە اسەر ەتەدى، دەپ حابارلايدى ق ر كولىك مينيسترلىگى.

ۆەدومستۆونىڭ مالىمەتىنشە، تاريفتەردى كوتەرۋ اۆتوكولىك پاركىن جاڭارتۋ، كورسەتىلەتىن قىزمەتتى جاقسارتۋ جانە قىزمەتكەرلەردىڭ جالاقىسىن كوتەرۋ ءۇشىن قاجەت.

سونداي-اق مينيسترلىك سوڭعى 10 جىلدا الەۋمەتتىك ماڭىزى بار باعىتتار بويىنشا جولاۋشىلاردى تاسىمالداۋ باعاسىنىڭ ءوسۋى بايقالماعانىن (ينفلياتسيا دەڭگەيىنە يندەكستەۋدى قوسپاعاندا) اتاپ ءوتتى.

- جولاۋشىلار ۆاگوندارىنىڭ پاركى 2667 بىرلىكتى قۇرايدى، ونىڭ توزۋى 44 پايىزعا جەتتى. ۆاگوندار پاركىن جاڭارتۋدى جەكە تاسىمالداۋشىلار دا، ۇلتتىق تاسىمالداۋشىلار دا جۇزەگە اسىرادى. ماسەلەن، 2023 -جىلى 118 ۆاگون، 2024 -جىلى 140 ۆاگون ساتىپ الىندى. 2025 -جىلدان باستاپ جىل سايىن 200-دەن استام ۆاگون ساتىپ الۋ جوسپارلانۋدا، 2030 -جىلعا قاراي ساتىپ الۋ 1200 بىرلىكتى قۇرايدى، - دەپ جازدى مينيسترلىكتەن.

اۆتور

اسحات رايقۇل