قازاقستاندا قىركۇيەك ايى جاڭبىرلى بولادى دەپ بولجانىپ وتىر

استانا. KAZINFORM - سينوپتيكتەر ەلىمىز بويىنشا قىركۇيەككە ارنالعان اۋا-رايىنىڭ كونسۋلتاتيۆتىك بولجامىن جاسادى.

«قازگيدرومەت» ر م ك اقپاراتى بويىنشا، قىركۇيەكتە رەسپۋبليكانىڭ كوپتەگەن وبلىسىندا اۋا-رايى سالقىن جانە جاڭبىرلى بولادى دەپ كۇتىلىپ وتىر. قىركۇيەكتىڭ باسىندا ەلدىڭ باتىسىندا جاۋىن- شاشىنسىز اۋا رايى ساقتالماق.

ەلدىڭ سولتۇستىك وڭىرىندە جاۋىن-شاشىن ءبىر اي ىشىندە ءجيى جاۋماق. اراسىندا 1-3 كۇن قىسقا ۇزىلىستەر بولادى. كەيبىر كۇندەرى رەسپۋبليكا بويىنشا نايزاعاي، بۇرشاق جانە ەكپىندى جەلمەن قاتتى جاڭبىر جاۋادى دەپ بولجانىپ وتىر.

قىركۇيەكتىڭ ءبىرىنشى ونكۇندىگىندە اۋا تەمپەراتۋراسى تومەندەگىدەي بولماق:

ەلدىڭ باتىسىندا تۇندە 8 +15 گرادۋس، كۇندىز 23 +30 گرادۋس شەگىندە؛

رەسپۋبليكانىڭ وڭتۇستىك- باتىسىندا تۇندە + 17 + 25 گرادۋس، كۇندىز + 28 + 35 گرادۋس، تەك جەكەلەگەن كۇندەرى - تەمپەراتۋرانىڭ شامالى تومەندەۋى تىركەلەدى؛

اقتوبە وبلىسىندا اۋا تەمپەراتۋراسىنىڭ تۇندە +3+10 گرادۋستان +10+ 15 گرادۋسقا دەيىن، كۇندىز +17+25 گرادۋستان +22+27 گرادۋسقا دەيىن اۋىتقۋى كۇتىلەدى؛

قازاقستاننىڭ سولتۇستىك جانە ورتالىق وڭىرلەرىندە تۇندە +2+10 گرادۋسقا دەيىن سۋىتادى، ءبىراق توپىراقتا 2 گرادۋسقا، كۇندىز +8+15 گرادۋسقا دەيىن اياز بولۋى مۇمكىن، ونكۇندىكتىڭ سوڭىندا تەمپەراتۋرالىق فوننىڭ شامالى كوتەرىلۋى كۇتىلەدى.

رەسپۋبليكانىڭ شىعىسىندا اۋا تەمپەراتۋراسىنىڭ تۇندە +8+16 گرادۋستان +2+7 گرادۋسقا دەيىن اۋىتقۋى كۇتىلەدى، ونكۇندىكتىڭ ەكىنشى جارتىسىندا اياز بولۋى مۇمكىن، كۇندىز +12+23 گرادۋستان +17+25 گرادۋسقا دەيىن؛

ەلدىڭ وڭتۇستىگىندە، وڭتۇستىك- شىعىسىندا اۋا تەمپەراتۋراسىنىڭ كۇندىز +22+30 گرادۋستان +17+23 گرادۋسقا دەيىن اۋىتقۋى بولجانىپ وتىر.

قىركۇيەكتىڭ ەكىنشى جانە ءۇشىنشى ونكۇندىكتەرىندە رەسپۋبليكانىڭ سولتۇستىگىندە، ورتالىعىندا جانە شىعىسىندا اۋا تەمپەراتۋراسى تۇندە + 3 + 8 گرادۋس قۇرايدى، جەكەلەگەن اۋدانداردا اياز بايقالۋى مۇمكىن، كۇندىز تەمپەراتۋرا +12+19 گرادۋستان +21+26 گرادۋسقا دەيىن وزگەرەدى؛

ەلدىڭ باتىسىندا جانە وڭتۇستىك ايماقتارىندا اۋا تەمپەراتۋراسى تۇندە +7+15 گرادۋس، ايدىڭ ەكىنشى جارتىسىندا توپىراق بەتىندە اياز بولۋى مۇمكىن، كۇندىز اۋا تەمپەراتۋراسىنىڭ +25+35 گرادۋس +15+23 گرادۋسقا اۋىتقۋى كۇتىلەدى.

قىركۇيەكتىڭ ءۇشىنشى ونكۇندىگىندە سولتۇستىك، ورتالىق جانە شىعىس ايماقتاردا جاڭبىر قارعا ۇلاسۋى مۇمكىن.

بۇل كونسۋلتاتيۆتىك بولجام دەپ سانالادى، وعان ناقتىلاۋ ونكۇندىك جانە اپتالىق بولجامدار شىعارىلاتىنىن اتاپ وتكەن ءجون.