20:57, 09 - ءساۋىر 2025 | GMT +5
قازاقستاندا ەندى جەكە كاسىپكەر رەتىندە تىركەلۋ قيىنعا سوعادى
استانا. KAZINFORM - قازاقستاندا ەندى جەكە كاسىپكەر رەتىندە تىركەلۋ قيىنعا سوعادى. ءتيىستى تۇزەتۋلەر جاڭا سالىق كودەكسى جوباسىنا ەنگىزىلدى.
بۇل تۋرالى ۆيتسە-پرەمەر - ۇلتتىق ەكونوميكا ءمينيسترى سەرىك جۇمانعارين مالىمدەدى.
«ەندى جەكە كاسىپكەرلىككە كىرۋدى، جەكە كاسىپكەرلىك اشۋدى ءارتۇرلى جولمەن قاتاڭداتامىز. بىزدە ءتيىستى نورمالار دايىن. بۇرىن زاڭ بۇزعاندار، جۇمىس ىستەمەيتىن جاكە كاسىپكەرلىگى بار ادامدار ءۇشىن جاڭا جەكە كاسىپكەرلىك اشۋ قيىنداي تۇسەدى»، - دەدى جۇمانعارين ءماجىلىستىڭ جالپى وتىرىسىندا.
ەسكە سالايىق، بۇعان دەيىن قازاقستاندا سالىق سانى قىسقاراتىنى حابارلاندى.
