قازاقستاندا جوعارى سوت كەڭەسىنىڭ اپپاراتىنداعى قىزمەتكەرلەر سانى ارتادى
استانا. KAZINFORM - قازاقستاندا جوعارى سوت كەڭەسىنىڭ (ج س ك) اپپاراتىن كەڭەيتۋ جوسپارلانىپ وتىر. وسى ورايدا ءتيىستى جوبا «اشىق» ن ق ا پورتالىندا جاريالانعان.
قۇجاتتا اپپارات قىزمەتكەرلەرىن 25 تەن 50 گە دەيىن جەتكىزۋ ەسكەرىلگەن. بۇل رەتتە، قازاقستان رەسپۋبليكاسى پرەزيدەنتىنىڭ جانە ق ر پرەمەر-ءمينيستردىڭ ج س ك اپپاراتىنىڭ شتات سانىن ۇلعايتۋ جانە ونىڭ باسشىلارى مەن قىزمەتكەرلەرىنىڭ مارتەبەسىن ارتتىرۋ تۋرالى تاپسىرمالارىن ىسكە اسىرۋ ءۇشىن تۇزەتۋ ەنگىزىلەدى.
قازىر ج س ك اپپاراتىنىڭ شتاتى ج س ك ءتوراعاسىن قوسا العاندا 25 ادامنان تۇرادى. جالپى 4 ءبولىم (1. كونكۋرستىق ىرىكتەۋدى ۇيىمداستىرۋ ءبولىمى؛ 2. سۋديا كادرلارىنىڭ جاي-كۇيىن باعالاۋ، كادر قاجەتتىلىگىن بولجاۋ جانە كادر رەزەرۆىن قالىپتاستىرۋ ءبولىمى؛ 3. سوت جيۋريىنىڭ قىزمەتىن قامتاماسىز ەتۋ ءبولىمى؛ 4. اكىمشىلىك ءبولىمى) بار.
«قازىرگى ۋاقىتتا پارلامەنتتە زاڭدىلىقتى ورەسكەل بۇزۋعا جول بەرىلگەن ءاربىر كۇشىن جويعان سوت اكتىسىن سوت ءجيۋريىنىڭ تەكسەرۋىنىڭ جاڭا مەحانيزمىن ەنگىزۋدى كوزدەيتىن زاڭ جوباسى تالقىلانىپ جاتىر. وسى تۇرعىدا سوت جيۋريىنە جۇكتەمەنىڭ 400 پايىزعا ارتاتىنى ەسكەرىلگەن»، - دەلىنگەن قۇجات نەگىزدەمەسىندە.
ج س ك اپپاراتى باسشىسىن جانە ونىڭ ورىنباسارىن تاعايىنداۋ ءراسىمى وزگەرەدى.
اتاپ ايتقاندا، جوعارى سوت كەڭەسىنىڭ اپپاراتى باسشىسىن ج س ك ءتوراعاسىنىڭ ۇسىنىسىمەن پرەزيدەنت تاعايىندايتىن ساياسي قىزمەتشى، ال ونىڭ ورىنباسارى - ۇلتتىق ستاتيستيكا بيۋروسىنداعى سياقتى «ا» كورپۋسىنىڭ مەملەكەتتىك اكىمشىلىك قىزمەتشىسى بولۋى ءتيىس. ج س ك اپپاراتى باسشىنىڭ ورىنباسارىن جوعارى سوت كەڭەسىنىڭ ءتوراعاسى تاعايىندايدى. بۇل تۇزەتۋ 2024-جىلعى 1-شىلدەدەن باستاپ كۇشىنە ەنۋى مۇمكىن.
