قازاقستاندا ءوندىرىس سالاسىنا جاساندى ينتەللەكتى ەنگىزۋدى كوزدەيتىن جول كارتاسى بەكىتىلدى

استانا. KAZINFORM - ونەركاسىپ سەكتورىندا جاساندى ينتەللەكتىنى ەنگىزۋدى دامىتۋعا باعىتتالعان جول كارتاسى بەكىتىلدى.

بۇل - جاساندى ينتەللەكتىنى ءوندىرىس سالاسىندا قولدانۋ مىقتاپ قولعا الىنعانىن ايقىندايدى.

بۇل تۋرالى ونەركاسىپتى تسيفرلاندىرۋ ماسەلەلەرى بويىنشا وتكەن جيىندا ايتىلدى. كەزدەسۋدە جاساندى جۇيەنى جەتىلدىرۋ جانە قولدانۋ تەتىكتەرى تالقىلاندى.

Demo Day- ءدىڭ ماقساتى - قازاقستان كاسىپورىندارىندا قولدانىلىپ جاتقان جاساندى ينتەللەكت سالاسىنداعى پراكتيكالىق شەشىمدەردى كورسەتۋ. قازىر ەلدەگى بارلىق سالا جاپپاي ساندىق فورماتقا اۋىسىپ جاتقانىمەن، جاساندى ينتەلەكتى ەنگىزگەن ءوندىرىس ورىندارى ساۋساقپەن سانارلىق.

- سيفرلاندىرۋ باعىت-باعىتىمەن دامىپ جاتىر. ءبىراق، بارلىق جەرگە جاساندى ينتەللەكت كىردى دەپ ايتۋعا ءالى ەرتە، - دەيدى ونەركاسىپ كوميتەتىنىڭ ءتوراعاسى ازامات پانبايەۆ.

ماسەلەن، بىلتىر كاسىپورىنداردى سيفرلاندىرۋ دەڭگەيى 19 پايىزدى قۇراسا، بيىل وسى كورسەتكىشتى 23 پايىزعا دەيىن كوتەرۋ مىندەتى تۇر. ەندى وسى 19 پايىزدىڭ ىشىندە تەك ونشاقتى نىساندا عانا جاساندى زەيىن جۇمىس ىستەيدى.

ءىس-شاراعا ونەركاسىپ جانە قۇرىلىس مينيسترلىگىنىڭ، سونداي-اق جاساندى ينتەللەكت جانە سيفرلىق دامۋ مينيسترلىگىنىڭ باسشىلىعى قاتىستى.

Demo Day اياسىندا ق ر ءو ق م ونەركاسىپ كوميتەتىنىڭ، QazIndustry، الدىڭعى قاتارلى ونەركاسىپتىك جانە IT- كومپانيالاردىڭ وكىلدەرى، سونداي-اق Astana Hub رەزيدەنتتەرى ءوز ۇسىنىمدارىن جاسادى.

الاڭدا ونەركاسىپ سالاسىنداعى جاساندى ينتەللەكتىنى دامىتۋ ماسەلەلەرى تالقىلانىپ، ونەركاسىپتىك تالداۋلار مەن بولجاۋلار ۇسىنىلادى، سونداي-اق كاسىپورىنداردا ي ي- دى ەنگىزۋدىڭ ءساتتى كەيستەرى كورسەتىلەدى.

ايتا كەتەيىك، اگروونەركاسىپتىك كەشەندەگى پروتسەستەردى اۆتوماتتاندىرۋ ءۇشىن جاساندى ينتەللەكت اگەنتتەرى ەنگىزىلەدى.