قازاقستاندا بالالاردىڭ قۇقىعىن قورعايتىن بولەك باسقارما قۇرىلدى
استانا. قازاقپارات - 2025 -جىلعى 5-مامىرداعى ۇكىمەت باسشىسىنىڭ قاۋلىسىمەن جەرگىلىكتى مەملەكەتتىك باسقارۋدىڭ بازالىق قۇرىلىمىنا وزگەرىستەر ەنگىزىلدى.
«قازاقستان رەسپۋبليكاسىنىڭ جەرگىلىكتى مەملەكەتتىك باسقارۋ بازالىق قۇرىلىمىن بەكىتۋ تۋرالى جانە ۇكىمەتتىڭ كەيبىر شەشىمدەرىنىڭ كۇشى جويىلدى دەپ تانۋ تۋرالى» ۇكىمەتتىڭ 2013 -جىلعى 18-ماۋسىمداعى 608-قاۋلىنىڭ «وبلىستىڭ، رەسپۋبليكالىق ماڭىزى بار قالانىڭ، استانانىڭ اكىمدىگى» دەگەن ءبولىمى 27-تارماقپەن تولىقتىرىلدى.
- بالالاردىڭ قۇقىعىن قورعاۋ باسقارماسى، سونداي-اق وعان ەسەپ بەرەتىن جانە ونىڭ باقىلاۋىندا بولاتىن، اۋدانداردا، وبلىستىق ماڭىزى بار قالالاردا، رەسپۋبليكالىق ماڭىزى بار قالالاردا، استانادا ورنالاساتىن بالالاردىڭ قۇقىقتارىن قورعاۋ بولىمدەرى، - دەلىنگەن قۇجاتتىڭ ماتىنىندە.
تاياۋدا مەملەكەتتىك كەڭەسشى ەرلان قارين بالالاردىڭ قاۋىپسىزدىگىن قامتاماسىز ەتۋ، كامەلەتكە تولماعاندارعا قاتىستى قۇقىق بۇزۋشىلىقتىڭ الدىن الۋ ماسەلەسىنە ارنالعان جيىن وتكىزدى. مەملەكەتتىك كەڭەسشى بالالار مەن جاسوسپىرىمدەردىڭ قاۋىپسىزدىگىنە ايماق باسشىلىعى باسا ءمان بەرىپ، بۇل ءىستى تۇراقتى باقىلاۋعا الۋى قاجەت ەكەنىنە نازار اۋداردى.
